Aımaqtar • 12 Mamyr, 2020

6,5 myń turǵyn úı salynady

11 retkórsetildi

Atyraý oblysynda bıyl qarjylan­dyrýdyń barlyq kózderi esebinen 800 myń sharshy metr nemese 6,5 myń turǵyn úı salý mindeti tur. Bıylǵ­y I toqsanda salaǵa 8,1 mlrd teń­­ge ın­vestısııa baǵyttalyp, jal­py aý­dany 149,6 myń sharshy metr bolatyn 1287 turǵyn úı paıda­la­nýǵa berildi.

Jalpy bıyl «Nurly jer» memlekettik baǵdar­lamasy sheńberinde Atyraý obly­synda ınjenerlik-kommýnıkasııalyq ın­fra­qurylym jáne turǵyn úı qurylysyna 20,3 mlrd teńgege 95 joba iske asyrylyp, 925 adam jumyspen qamtylady.

Kredıttik nemese jalǵa beriletin 620 páter­di paıdalanýǵa berý josparla­nyp otyr. Onyń ishinde satyp alý quqyǵynsyz jalǵa beriletin turǵyn úı qurylysyna 13 jobany iske asyrý úshin 5 mlrd teń­ge qarastyrylǵan. Bıylǵy I toqsan qory­tyndysynda ákimdikke 1,1 mlrd teńge aýda­ry­lyp, qarajat tolyq ıgerilgen. Jyl sońyna deıin jalpy aýdany 10,2 myń sharshy metr bolatyn 157 jalǵa beri­letin páter paıdalanýǵa beriledi. Halyq­tyń az qamtylǵan áleýmettik toptaryna, kóp balaly otbasylarǵa beriletin bul baspa­nalardyń qurylysyna 480 adam jumysqa tartylady.  Al kredıttik turǵyn úı qurylysyna 43 jobany iske asyrý úshin 5 mlrd teńge qarastyrylǵan. Oǵan 27,8 myń sharshy metr tur­ǵyn úı nemese 463 páterdi paıdalanýǵa berý josparlanǵan.

Sonymen qatar  «Nurly jer» memleket­tik baǵdarlamasy aıasynda 2%-dyq nesıe beretin «Baqytty otbasy» baǵdarlamasyn júzege asyrýǵa bıyl respýblıkalyq bıýdjetten oblys ákimdigine 239 turǵyn úı úshin 2,4 mlrd teńge qaryz berý qarastyrylyp otyr. Oblysta turǵyn úı qurylysy aýdandaryna ınjenerlik-kommýnıkasııalyq ınfraqurylym júrgizý maqsatynda 39 joba iske asyrylady. Bul maqsatqa 10,3 mlrd teńge qarastyrylǵan. Bıylǵy I toqsanda ol qarajattyń 2,8 mlrd teńgesi aýdarylyp, 2,2 mlrd teńgesi ıgerildi. Atalǵan jobalarda 445 adam jumyspen qamtylady.

 

ATYRAÝ

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar