Endi turǵyndardyń medısınalyq maskalarǵa degen suranysyn qanaǵattandyrý, tapshylyqty joıý maqsatynda oblys ákimdigi jergilikti farmasevtıkalyq zaýyttarmen birlesip óndiris kólemin ulǵaıtýǵa kelisti.
О́ńirde medısınalyq maska shyǵaratyn zaýyt bar. Bul baǵyttaǵy kásiporyn endi táýlik boıy jumys istemek. Nátıjesinde, táýligine shyǵarylatyn medısınalyq maskalar kólemi 20 myń danadan 70 myń danaǵa deıin artty. Onyń ishinde 40 myń maska «SK-Farmasııa» jaýapkershiligi shekteýli seriktestigine, al qalǵan 30 myń maska oblys aýmaǵyndaǵy «Jasulan» jáne «Ámir jáne D» dárihana jelileriniń 10 pýnktine kún saıyn jetkizilýde. Atap aıtsaq, medısınalyq maska jetkizilgen 10 pýnkttegi dárihanalarda atalǵan taýardyń bir danasy 50 teńgeden satylýda. Bir satyp alýshyǵa 5 dana medısınalyq maskadan artyq satylmaıdy.
Búginde oblys ákimdigi Taraz qalasy men barlyq aýdanda tigin sheberhanalary men atelesi bazalarynda da kóp rettik maskalar shyǵaratyn shaǵyn óndirister qurý máselesin qarastyrýda. Qazirgi kezde olardyń ónim kólemi 3900 danany qurap otyr. Álemdi sharpyǵan qaýipti keseldiń aldyn alý maqsatynda óńirdegi dárihana jelilerinde dezınfeksııalyq jáne antıseptıkalyq quraldarynyń 12 túri, onyń ishinde teri antıseptıkteri, dezınfeksııalyq sabyndar sekildi ózge de quraldar bar.
Jambyl oblysy
