Prezıdent progressıvti salyq tóleýdi de usyndy. Bul qadamǵa birden bara qoımasaq ta, birtindep ótýimiz qajet. Progressıvti salyq neni bildiredi? Bul degenimiz aılyǵy onsha joǵary emes azamattar qazirgige qaraǵanda salyqty az tólese, aılyǵy joǵary azamattar úshin salyq mólsheri kóbeıedi degen sóz.
Belgili bolǵandaı, 4 jarym mıllıonnan astam adamǵa 42500 teńge kóleminde qarjylaı kómek kórsetildi. Halyq arasynda tepe-teńdikti saqtaý úshin bul bastama tıimdi ári durys dep esepteımin.
Memleket basshysy Qasym-Jomart Toqaev bıyl 15 mln sharshy metr nemese 150 myń úı men páter salynatynyn habarlady. Qazirgi karantın kezinde halyq úı alý úshin jınaǵan qarajatyn jaratyp qoıýy múmkin. Sol úshin baspanaly bolýdyń múmkindikterin arttyrý kózdelip otyr. Buǵan deıin qoldanylyp kelgen «7-20-25» baǵdarlamasynyń negizinde kezekte turǵan adamdardy nesıelik turǵyn úımen qamtamasyz etý úshin jańa «5-10-20» baǵdarlamasyn iske qosý tapsyryldy. Tapsyrmany oryndaý úshin Memleket basshysy 390 mlrd teńge bólinetinin málim etti. Osy rette jańa baǵdarlama elimizdegi turǵyn úı baǵasyna da aıtarlyqtaı áser etetini sózsiz. 20 jyl merzimge josparlanǵan baǵdarlamanyń sapaly júrgizilip, turǵyn úıdiń qoljetimdi bolýy – elimiz úshin mańyzdy.
Saparbaı JOBAEV,
ekonomıka ǵylymdarynyń kandıdaty
