Igilikti sharany aldymen óńirdegi júk tasymalymen aınalysatyn kólik júrgizýshileri men óner salasynda júrgen ónerpaz jigitter qolǵa aldy. Olar áleýmettik jeliler arqyly jurtty habarlandyryp, arnaıy esepshot ashqan. Habarlandyrýǵa qulaq túrip, qoldaý bildirgenderdiń qarasy da kóp boldy.
– Eki kólikke tıep kúndelikti turmysqa qajetti taýarlar jiberip jatyrmyz. Jol amandyǵy bolsyn. Biz birgemiz,–deıdi qala turǵyny Aıdyn Raıysov.
Sondaı-aq oblystyq Naýan Haziret meshiti «Maqtaaralǵa kómek» atty qaıyrymdylyq sharasyn júzege asyrýda. Bul shara aıasynda jergilikti turǵyndardan 1 mıllıon teńgege jýyq qarjy jınalǵan. Qaıyrymdylyq aksııasy áli de jalǵasýda.
– Sý apaty bizdiń de qabyrǵamyzdy qaıystyrdy. Qazir qarjylaı kómek jınalyp jatyr. Bul shara mamyrdyń ortasyna deıin jalǵasady. Jınalǵan qarjyny Túrkistan oblysy meshitiniń esepshotyna aýdaramyz,–deıdi oblystyq «Naýan haziret» meshitiniń naıb-ımamy Táken Turdaqyn.
Jan jylýyna jeter ne bar?!
Aqmola oblysy
