- Jasóspirimder qulaqqaptardan mýzyka tyńdap jatyp, uıyqtap qalady. Birinshi kezekte qutqarýshylar alpınıstik jabdyqtardyń kómegimen joǵarǵy qabattan nemese úıdiń shatyrynan páterdiń balkonyna túsedi. Materıaldyq shyǵyn keltirmeý jáne balkonnyń esiginiń buzbaý úshin qutqarýshylar aldymen balǵamen esiktiń metall qalqandaryn uryp, uıyqtap jatqandardy oıatýǵa tyrysady. Eger, ishtegi adam oıanyp, esikti ashpasa, qutqarýshylar arnaıy quraldardyń kómegimen balkon esigin ashyp, páterdiń esigin ishinen ashady,-deıdi.
Al balkon arqyly páterge kirý múmkin bolmaǵan jaǵdaıda, qutqarýshylar ýchaskelik polısııa qyzmetkerimen jáne qutqarýshylardy shaqyrǵan týystarymen kelise otyryp, gıdravlıkalyq avarııalyq - qutqarý quraldarynyń kómegimen páterdiń esigin asha alady.
Mysaly, 7 mamyr kúni qutqarýshylar alpınıstik jaraqtyń kómegimen N. Nazarbaev dańǵylyndaǵy úıdiń shatyrynan 5-shi qabattaǵy páterdiń balkonyna túsip, esikti ishten ashty.
Syrtqy esik jabylyp qalǵan kezde, ishte 2 jasar bala qalyp qoıǵan. Qutqarýshylar esikti ashyp, balany ata-anasyna tapsyrdy.
Sonymen birge, 8 mamyr kúni qutqarýshylar Naberejnaıa kóshesindegi úıge shaqyrýǵa keldi. Páter ishinde jasóspirim bala esikti ishten jaýyp uıyqtap qalǵan.
Qutqarýshylar kelgenge deıin ýchaskelik polısııa ınspektory men týystary ony oıatyp alǵan.
9 mamyr kúni qutqarýshylar arnaıy quraldardyń kómegimen 6 jasar bala uıyqtap jatqan Qamzın kóshesindegi úıde páter esigin ashty. Sondaı-aq ótken demalys kúnderi qutqarýshylar úshin osyndaı shaqyrtýlar az bolmaǵan eken.
Pavlodar
