Mınıstrlik osy jyldyń 23 naýryzynan bastap el turǵyndaryn rýhanı, mádenı turǵydan baıytý, ártúrli jastaǵy azamattardyń sporttyq belsendiligin qoldaý maqsatynda birqatar jobalardy júzege asyryp keledi. Osy rette mádenıet, sport, týrızm salasy mamandarynyń uıymdastyrýymen ótken dáris, vebınar, onlaın-konsert («Karantındegi juldyz» «Qazaqtelekom» AQ birlesken joba), onlaın-konkýrs («О́nerli óren» balalarǵa arnalǵan respýblıkalyq konkýrs), vırtýaldy ekskýrsııa, balalarǵa arnalǵan ertegiler, belgili atlettermen ótkiziletin jattyǵýlar, qashyqtan jáne onlaın rejımdegi spektaklder men fılmderdi aıta ketken jón.
11 mamyrda Memleket basshysy Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Tótenshe jaǵdaı rejımi aıaqtalǵanymen, indet bəseńsimeı turǵan keı óńirlerde saqtyq is-sharalary júrgizile beretinin aıtqan edi. Osyǵan baılanysty Mınıstrlik onlaındaǵy jumysyn jańa formatta jalǵastyrady.
Búginnen bastap el turǵyndaryna kún saıyn 5 mədenı-sporttyq is-shara onlaında qoljetimdi bolady.
Tańǵy saǵat 08:00-de #BizBirgemiz #AlǵaQazaqstan heshtegimen tanymal sportshy, bapkerlerdiń qatysýymen tańǵy jattyǵý ótedi. Elge esimi tanys atletter jalpy halyqqa salaýatty ómir saltyn qalyptastyrýdy nasıhattap, osy baǵytta eleýli úles qosyp keledi.
«Ertegiler əleminde» atty baǵdarlama saǵat 12:00 men 20:30-da Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynan efırge shyǵady. Elimizdiń úzdik teatr akterleri balalarmen qııal-ǵajaıyp əlemine saıahattaıdy.
Saǵat 14:00-de #óneronline #onlinedabol heshtegimen mədenıet, óner taqyrybynda onlaın-dərister ótedi. Bul sheberlik-dárisin Mádenıet jáne sport mınıstrliginiń You Tube arnasynan tamashalaı alasyzdar.
Al saǵat 18:00-de Qazaqstannyń mańdaı aldy balet ujymdary ozyq qoıylymdaryn Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynda tartý etedi.
20:00-de Tanymal ənshilerimizdiń Mədenıet jəne sport mınıstrliginiń altyn qoryndaǵy konserti men opera maıtalmandarynyń ónerine Mádenıet jáne sport mınıstrliginiń You Tube arnasy men bizbirgemiz_culture ınstagram paraqshasynan kýə bola alasyzdar.
Aıta keteıik, karantın kezinde kópshiliktiń joǵary baǵasyna ıe bolǵan Mádenıet jáne sport mınıstrligi men «Qazaqtelekom» AQ-men birlesip ázirlegen «Karantındegi juldyz» onlaın-jobasy aıaqtaldy.
