Aımaqtar • 12 Mamyr, 2020

Almatynyń qyzmetke kirisetin kásiporyndardy túgel tekserýge áleýeti jete me?

29 retkórsetildi

Bul kúnderi tótenshe jaǵdaı men karantın rejımin ajyrata almaı júrgender áli de jetkilikti. Sondyqtan da birtindep  iske qosylatyn kásiporyndar men Almaty oblysynan Almaty qalasyna qatynap isteıtin shahar irgesindegi turǵyndar tarapynan suraq kóp.

Al osy máselege oraı ótken brıfıngte Almaty ákiminiń orynbasary Saparbek Tuıaqbaev málim etti. Megapolıste karantındik rejım saqtalatynyn aıtty. Tıisinshe, barlyq blok-beketter jumys isteıdi, aımaq boıynsha qozǵalý shekteýli. Sonymen qatar, oblystan jumys kúshin tartýǵa ruqsat etiledi.

«Basty shart: qyzmeti ruqsat etilgen kásiporyndarǵa ǵana beketter arqyly Almatyǵa óz qyzmetkerlerin jumysqa tartýǵa ruqsat etilgen. Olar qoldanystaǵy algorıtm boıynsha tirkeýden ótýi qajet», – dep túsindiredi Saparbek Tuıaqbaev.

Sondaı-aq spıker 12 mamyrdan bastap InfoAlmaty.kz veb-saıty arqyly qyzmetkerlerdi tirkeýge ótinishter qabyldanatynyn jetkizdi.

«Burynǵydaı, bizge olardyń JSN jáne kólik quraldarynyń memlekettik nómirleri qajet. Tirkeý jáne maquldaý alǵannan keıin, blok-postarda, jeke kýálikterdegi shtrıh-kodtar arqyly polıseıler jol júrýge ruqsat beretin bolady. Biz kásiporyndarǵa óz qyzmetkerlerine ekspress-test jáne PTR-test jasaýǵa keńes beremiz, sebebi bul olardyń múddesi úshin. О́ıtkeni, olardy juqtyrý anyqtalǵan kezde bıznes jabylatyn bolady», – dedi Saparbek Tuıaqbaev.

Sondaı-aq, ol strategııalyq mańyzdy kásiporyndardyń qyzmetkerleri arasynda iriktemeli ekspress-test júrgiziletinin atap ótti.

Sulýlyq salondarynyń qyzmetine toqtalatyn bolsaq, ákim orynbasary atap ótkendeı, olardyń barlyǵy tekserýden ótýi kerek.

«Qala boıynsha barlyǵy 2 myńnan astam adam bar. Biz asyqpaımyz, bizde qyzmetkerler sany jetkilikti, árbir aýdanda jumys komıssııalary jumys isteıdi. Biz aldymen ótinimderdi qabyldap, aýdıt júrgizemiz. Komıssııa olardyń sáıkestigin teksergende jáne barlyq normalar men bıznes prosesterdi maquldaǵanda, sodan keıin olar saıtta tirkeýden ótip, óz qyzmetkerlerin qala mańynan jumysqa tarta alady», – dedi Saparbek Tuıaqbaev.

 

 

 

ALMATY

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar