Ekonomıka • 12 Mamyr, 2020

Bıyl qańtar-sáýir aılarynda farmasevtıka ónerkásibinde óndiris kólemi 24,2%-ǵa artty

19 retkórsetildi

Premer-Mınıstr Asqar Mamınniń tóraǵalyǵymen ótken selektorlyq Úkimet otyrysynda 2020 jylǵy qańtar-sáýirdegi áleýmettik-ekonomıkalyq damý qorytyndysy jáne respýblıkalyq bıýdjettiń atqarylýy qaraldy. О́nerkásip salasynyń damýy týraly ındýstrııa jáne ınfraqurylymdyq damý mınıstri Beıbit Atamqulov baıandady. Bul týraly Premer-Mınıstrdiń baspasóz qyzmeti habarlady.

Osy jyldyń qańtar-sáýir aılarynda óńdeý ónerkásibiniń barlyq salalarynda oń dınamıka baıqalýda.

Taý-ken óndirisi sektorynda quramynda altyn bar ken óndirý kóleminiń ósýi esebinen tústi ken óndirý 3,4%-ǵa ulǵaıdy.

Temir kenin óndirýdiń ósýi ótkizý naryqtaryn dástúrli elderden QHR naryǵyna qaıta baǵdarlaý esebinen 15,8% qurady. Endi júk tıeý kólemi aıyna 700 myń tonnaǵa deıingi temir keni shıkizatyn quraıtyn bolady. Kómir men lıgnıt óndirý kólemi 102,1% qurady.

О́ńdeý ónerkásibinde metallýrgııa, farmasevtıka, jeńil ónerkásip, mashına jasaý jáne t. b. salalary esebinen ósim 7% qurady.

Qara metallýrgııada NKI 100,1% qurady.

Hımııa ónerkásibinde júrgizilgen jańǵyrtýdan keıin óndiristik qýattar deńgeıin turaqtandyrý nátıjesinde «QazAzot» AQ-da ammıak selıtrasynyń óndiris kóleminiń 27% jáne ammıak óndirý kóleminiń 171%-ǵa  ulǵaıýy esebinen óndiris kólemi 0,3%-ǵa ósti.

B. Atamqulov habarlaǵandaı, mashınajasaý salasynda óndiris kólemi 25,4% ósti. Avtokólik quraldary, treılerler jáne jartylaı tirkemeler 59,2%, basqa sanattarǵa engizilmegen mashınalar men jabdyqtar 15,6%, elektr jabdyqtary 11,4%, ózge de kólik quraldaryn jasaý 103,9%, mashınalar men jabdyqtardy jóndeý jáne ornatý 5,7%, kompıýterler jasaý 7,6% ulǵaıdy.

«Farmasevtıka ónerkásibinde óndiris kólemi 24,2%-ǵa ósti. Jeńil ónerkásipte jalpy óndiris 13,9% ósti. Ol toqyma buıymdary óndirisiniń 13,4%, bylǵary jáne oǵan jatatyn ónimderdiń 12,4%, kıim óndirisiniń 11,3% ulǵaıýyna baılanysty boldy», — dedi ındýstrııa jáne ınfraqurylymdyq damý mınıstri. 

Kólik salasy boıynsha naqty kólem ındeksi 2020 jyldyń qańtar-sáýir aılary boıynsha 89% qurady.

«Koronavırýs pandemııasyna baılanysty Qazaqstan Respýblıkasynyń aýmaǵynda jolaýshylar avtobýs tasymaldary (onyń ishinde qalalyq jolaýshylar avtobýs tasymaldary), jolaýshylar poezdary, turaqty áýe qatynastary toqtatyldy. Keıbir kásiporyndardy karantınge jabý kólik pen logıstıkaǵa da áser etedi, óıtkeni jetkizý kólemin jáne tasymaldaýǵa tapsyrystardy tómendetedi», — dedi B. Atamqulov.

Bul rette, Qazaqstan arqyly konteınerlik tasymaldardyń jalpy kólemi ótken jyldyń sáıkes kezeńimen salystyrǵanda 12%-ǵa ulǵaıdy jáne 211,6 myń jıyrma fýnttyq balamany qurady.

Qurylys boıynsha naqty kólem ındeksi 2020 jyldyń qańtar-sáýir aılary boıynsha 105,5% qurady. 13 óńirde oń dınamıka baıqalady. Túrkistan (128,7%), Qaraǵandy (125,5%), Aqmola (118,9%), Atyraý (114,7%) jáne Batys Qazaqstan (111,6%) oblystary kósh basynda.

Turǵyn úı qurylysy boıynsha 2020 jyldyń qańtar-sáýir aılarynyń qorytyndysy boıynsha 3 112,5 myń sharshy metr turǵyn úı paıdalanýǵa berildi. Ol 2019 jyldyń sáıkes kezeńimen salystyrǵanda 89,9% qurady. 

Vedomstvo basshysy atap ótkendeı, elimizde sanıtarlyq-epıdemıologııalyq sharalardyń engizilýine baılanysty jeke jáne kóppáterli turǵyn úılerdi paıdalanýǵa berý kóleminiń tómendeýi baıqalady. Turǵyn úıde paıdalanýǵa berý kóleminde jyldyq jospardyń oryndalýy 22,1% qurady.

Respýblıka boıynsha barlyǵy 24 884 birlik baspana paıdalanýǵa berildi. Turǵyn úıdi paıdalanýǵa berý kóleminiń ulǵaıýy ótken jylmen salystyrǵanda respýblıkanyń 10 óńirde baıqalady. Turǵyn úıdi paıdalanýǵa berý boıynsha kóshbasshy óńirler - Almaty jáne Jambyl oblystary.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar