Ekonomıka • 12 Mamyr, 2020

Qańtar-sáýir aılarynda munaı óndirý kólemi 31,3 mln tonnany qurady

20 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Energetıka mınıstri Nurlan Noǵaev bıylǵy qańtar-sáýir aılaryndaǵy otyn-energetıka sektorynyń jaı-kúıi týraly baıandady. Bul týraly Premer-Mınıstrdiń baspasóz qyzmeti habarlady.

Energetıka mınıstriniń aıtýynsha, esepti kezeńde munaı óndirý kólemi 31,3 mln tonnany qurady, bul jospardyń 102,6%-y nemese 2019 jyldyń sáıkes kezeńimen salystyrǵanda 106% quraıdy. Máselen, Teńiz ken ornynda munaı óndirý ósimi 4,1%-dy, Qashaǵanda — 11,5%-dy, Qarashyǵanaqta óndirý kólemi bir deńgeıde saqtalyp otyr.

Munaı óńdeý kólemi 5,2 mln tonnany qurady, bul jospardyń 96,3%-yn quraıdy.

«Bul sáýir aıynda Pavlodar munaı óńdeý zaýytynyń josparly jóndeý jumystaryna baılanysty qyzmetin ýaqytsha toqtatýyna baılanysty», — dep túsindirdi N. Noǵaev.

Sonymen qatar, mınıstrdiń aıtýynsha, qazaqstandyq MО́Z jumysyna Reseı Federasııasynan janar-jaǵar maı materıaldary ımporty, Qazaqstannan alys jáne taıaý shetelderge JJM eksportyn qamtamasyz etý, keden bajdary men aksızderdi retteý, benzın men dızel otynyn memlekettik materıaldyq rezervke alý turǵysynan memlekettik komıssııanyń sheshimderi oń áser etti.

Munaı eksporty 25,3 mln tonnany qurady, bul jospardyń 115%-yn quraıdy. Gaz óndirý 20,2 mlrd m3 qurady, bul jospardyń 103% quraıdy. Tabıǵı gaz eksporty 5,6 mlrd m3 qurady.

Osy jyldyń 4 aıynda 37,1 mlrd kVt/saǵat óndirildi.«Búgingi tańda barlyq óńirlerde jylytý maýsymy aıaqtaldy. Maýsym aýqymdy apatsyz ótti», — dedi N. Noǵaev.

Memleket basshysynyń aýyl sharýashylyǵy taýarlaryn óndirýshilerdi tómen baǵamen otynmen qamtamasyz etý jónindegi tapsyrmasyn oryndaý aıasynda 386 600 tonna dızel otynyn satý josparlanǵan bolatyn. Búgingi tańda jospardyń 75,5% oryndaldy.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar