Ispanııanyń Posoondo mýnısıpalıtetinde nóser jaýdy. Keshki saǵat 18.00 shamasynda bir sharshy metrge 45 lıtr kóleminde jaýyn jaýǵan. Az ýaqytta qala kósheleri sýǵa toldy. Soqqan daýyl kórshiles mekenderde burshaqqa ulasty.
Saýd Arabııasynyń soltústiginde ornalasqan Hafr-el-Batın qalasynda jyldamdyǵy 100 km/saǵ shań-tozańdy boran turdy. Qarqyny qatty bolǵany sonsha qalada birqatar ǵımarat qırap, kólikter tóńkerilip qalǵan. Bastysy jergilikti halyq zardap shekpegen.
Fransııanyń batysynda naızaǵaı oınap, nóser jaýdy. Saldarynan 100-ge jýyq dúkender men turǵyn úıler sý astynda qalǵan. Tabıǵı apatpen kúreske 28 qutqarý ortalyqtary qurylyp, 156 órt sóndirýshi jumyldyryldy. Osy sekildi aýa raıy 9 mamyrda Parıjde de bolǵan.
Taǵy bir shań-tozańdy boran Iraktyń Al-Anbar aýmaǵynda soqty. 5 metr qashyqtyqqa deıin aınalany kórý múmkin bolmady. Jalpy qazir Iraktyń kóp bóliginde qurǵaqshylyq. Mamandar sońǵy kezderi mundaı shań-tozańdy borannyń Irak pen Iran aımaǵynda kóbeıip ketkenin aıtyp otyr.
Indonezııanyń Chımahı qalasynda nóser jaýyp, sý tasqynyna alyp keldi. Keıbir jerlerdegi sý deńgeıi 1 metrge deıin jetken. Turǵyn úıler men kólikter zardap shekti.
Belgııanyń Antverpen qalasynda jylyjaı sharýashylyǵyna jaqyn jerde quıyn tirkeldi. Zardap shekkender bolmaǵan.
Reseıdiń Perm ólkesinde sel júrdi. 100-den astam úı sý astynda qalyp, 200-deı adam evakýasııalanǵan.
