Prezıdent • 12 Mamyr, 2020

Memleket basshysy koronavırýsty anyqtaýǵa arnalǵan mobıldi skrınıng ortalyǵyna bardy

27 retkórsetildi

Qasym-Jomart Toqaev koronavırýs indetin anyqtaýǵa arnalǵan jańa mobıldi skrınıng ortalyǵynyń qyzmetimen tanysty. Bul ortalyq Ońtústik Koreıanyń tehnologııasy boıynsha jumys isteıdi. Bul týraly Aqordanyń baspasóz qyzmeti habarlady.

Almaty qalasynyń ákimi Baqytjan Saǵyntaev Memleket basshysyna qaladaǵy epıdemıologııalyq ahýal jaıynda esep berdi.

Koreıalyq «Medical Partners Korea» medısına kompanııasynyń basshylary Kım Daıong pen Mın Hısýk Qazaqstan Prezıdentine mobıldi laboratorııanyń múmkindigi men «Drive-through» júıesi boıynsha synama alýdaǵy tájirıbeleri týraly aıtty.

Qasym-Jomart Toqaev dárigerlermen áńgimelesip, olarǵa qajyrly eńbekteri úshin rızashylyǵyn bildirdi.

– Pandemııa – shyn mánindegi soǵys. Búkil álem pandemııaǵa qarsy soǵys jarııalady. Fransýzdarda soǵystyń aty soǵys degen sóz bar. Biz judyryqtaı jumylsaq, pandemııany jeńe alamyz, – dedi Prezıdent.

Sonymen qatar Memleket basshysy Ortalyqtyń qyzmetkerlerin 12 mamyrda atap ótiletin Halyqaralyq medbıkeler kúnimen quttyqtady. 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar