Qazaqstan • 12 Mamyr, 2020

Scopus bazasyndaǵy jýrnalda ǵylymı jumysty qalaı jarııalaýǵa bolady?

44 retkórsetildi

Tarıh jáne quqyq ınstıtýty quqyqtaný kafedrasynyń uıymdastyrýymen ZOOM platformasynda «Scopus bazasyndaǵy jýrnalda ǵylymı jumysty qalaı jarııalaýǵa bolady?» ǵylymı vebınars ótti. Vebınar maqsaty - jańasha oılaýǵa qabiletti ǵalymdardy biriktirý, ǵylymı dıalog alańyn qurý.

Vebınarǵa ǵylymı jumys jáne halyqaralyq yntymaqtastyq jónindegi prorektor Aqtolqyn Qulsarıeva, Tarıh jáne quqyq ınstıtýtynyń dırektory Bolat Jumaǵulov, ınstıtýttyń professor-oqytýshylar quramy, doktoranttar men magıstranttar jáne taqyrypqa qyzyǵýshylyq tanytqan 70-ke jýyq izdenýshi-ǵalymdar qatysty.

Vebınar moderatorlary kafedra meńgerýshisi Ermek Býrıbaev pen qaýymdastyrylǵan professor Nesibeli Qalqaeva boldy.

Vebınar spıkeri professor Janna Hamzına ǵylymı jumysty daıyndaý barysyndaǵy ózekti máselelermen bólisti: Jarııalanym úshin qandaı qoljazba qolaıly? Maqala qurylymy; Durys tujyrymdardy paıdalaný; Siz ózińizdiń ǵylymı jumysyńyzdy berýge daıynsyz ba? óte qyzyq, ári ózekti máselelerdi ortaǵa saldy.

Jastardyń ǵylymı áleýetin arttyrý qazaqstandyq joǵary oqý oryndarynyń basty múddesiniń biri. Bul turǵyda Abaı atyndaǵy Qazaq ulttyq pedagogıkalyq ýnıversıteteti de sapaly bilim berýmen qatar, irgeli ǵylymdy damytýǵa da úlken úles qosyp kele jatyr.

Vebınar barysynda professor-oqytýshylar quramy, doktoranttar men magıstranttar taqyrypqa qatysty óz suraqtary men usynys-tilekterin ortaǵa salyp, pikir-talas uıymdastyrdy. Vebınar jumysyn Quqyqtaný kafedrasynyń meńgerýshisi Ermek Býrıbaev qorytyndylady.

Vebınar qatysýshylarynyń ótinishi boıynsha ǵylymı jumysty daıyndaý kezinde paıdalanýǵa vebınar materıaldary usynyldy.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar