Aımaqtar • 12 Mamyr, 2020

Erekshe bilim qajettilikteri bar balalardy oqytýǵa arnalǵan vebınar

10 retkórsetildi

Abaı atyndaǵy QazUÝ-da ınklıýzıvti bilim berý vırtýaldy zerthanasynyń úshinshi vebınary ótti. «Jalpy bilim berý keńistigine erekshe bilim qajettiliktteri bar balalardy engizý sharttary» taqyrybyna arnalǵan vebınardy QR joǵary oqý oryndarynda ınklıýzıvti bilim berýdiń Resýrstyq keńes berý ortalyǵynyń dırektory Z.A. Movkebaeva júrgizdi.

Abaı atyndaǵy Qazaq ulttyq pedagogıkalyq ýnıversıteti Ǵylym departamentiniń dırektory S.Q. Sahıev vebınarǵa qatysýshylardy ýnıversıtettiń arnaıy jáne ınklıýzıvti bilim berý salasyndaǵy zertteýler júrgizýdegi qyzmeti týraly qysqasha tanystyrdy, aldyńǵy qatarly shetel memleketterimen ózara qarym-qatynas jáne yntymaqtastyq týraly aıtyp ótti. Sonymen qatar Abaı atyndaǵy QazUPÝ-dyń joǵary jáne joǵary oqý ornynan keıingi bilim berý úrdisine erekshe bilim qajettilikteri bar adamdardy kiriktirý ıdeıalaryn taratýdaǵy jetekshi róline toqtaldy.

Vebınarda «Túzetý pedagogıkasynyń ulttyq ǵylymı-praktıkalyq ortalyǵynyń» dırektory Ǵalııa Abaeva ınklıýzıvti bilim berýdiń qazirgi jaǵdaıyna toqtalyp, bilim berýdegi ınklıýzıvtilik qaǵıdatyn is júzine asyrý úshin bilim berý ustanymdaryn usyndy jáne úzdik ınklıýzıvti praktıkanyń ólshemderi men kórsetkishterin egjeı-tegjeıli aıtyp berdi. Ǵ.Á.Abaevanyń baıandamasy tyńdarmandardyń úlken qyzyǵýshylyǵyn týdyrdy, baıandama sońynda qatysýshylar suraqtar qoıyp, erekshe bilim qajettilikteri bar balalary jalpy bilim berý keńistigine qosqanda kezdesetin máseleler týraly qyzý pikirtalas týdyrdy.

Vebınarǵa Y.Altynsarın atyndaǵy UǴA-nyń, «О́rleý» BAUO AQ, JShS «ÁBEO» ortalyǵynyń oqytýshylary, Qazaqstan Respýblıkasynyń ár aımaǵyndaǵy mektepke deıingi jáne mektep, psıhologııalyq-pedagogıkalyq túzetý kabınetteriniń, psıhologııalyq-medısınalyq-pedagogıkalyq keńes berý ákimshilikteri men muǵalimderi, úkimettik emes uıymdar ókilderi, JOO professor-oqytýshylar quramy qatysty.

Vebınar Abaı atyndaǵy KazUPÝ janyndaǵy QR joǵary oqý oryndarynda ınklıýzıvti bilim berýdiń Resýrstyq keńes berý ortalyǵynda Inklıýzıvti bilim berý vırtýaldy zerthanasynyń keńes berý-ádistemelik qyzmeti aıasynda uıymdastyryldy.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar