Almaty qalasynyń ákimi Baqytjan Saǵyntaev Memleket basshysyna qalanyń damýy jóninde egjeı-tegjeıli esep berdi.
Ekologııa, geologııa jáne tabıǵı resýrstar mınıstri Maǵzum Myrzaǵalıev Almatynyń ekologııalyq jaǵdaıy týraly baıandama jasady.
Sonymen qatar «Vernyı kapıtal» kompanııalar tobynyń bas dırektory Erlan Ospanov Almaty dendrarııasyn qaıta jóndeý jobasynyń erekshelikteri týraly áńgimelep berdi.
Qasym-Jomart Toqaev Almaty qalasy ákimdigi men Bolat О́temuratov qorynyń birlesken jumystaryn joǵary baǵalady. Memleket basshysy botanıkalyq baqtyń qala turǵyndary men qonaqtary úshin burynǵydaı negizgi demalys oryndarynyń birine aınalýy qajet ekenin aıtty.
– Botanıkalyq baq – almatylyqtar men qazaqstandyqtar úshin, ásirese osynda týyp ósip, jastyq shaǵyn ótkizgender úshin tanymal jer. Almaty turǵyndaryn osy aýmaqty saqtaýǵa, oǵan óz úıindeı qaraýǵa shaqyramyn, – dedi Memleket basshysy.
