Qazaqstan • 12 Mamyr, 2020

Baǵdarlama baspanaly bolýǵa baǵyttalýy tıis

158 retkórsetildi

Kúni keshe Memleket basshysy baspana kezeginde turǵandardyń máselesin sheshý úshin «5-10-20»  baǵdarlamasyn iske qosýdy tapsyrdy. Bul baǵdarlamany júzege asyrý úshin daǵdarysqa qarsy qarajat aıasynda 390 mıllıard teńge bólinbek.

«Turǵyn úı qurylysy jınaq banki» AQ qaramaǵynda qurylatyn «Otbasy banki» atalǵan ıpotekalyq baǵdarlamany qarjylandyrýǵa muryndyq bolady. Buǵan deıin elimizdegi ıpotekalyq baǵdarlamalardyń tarıhyndaǵy eń tıimdisi – «7-20-25» baǵdarlamasy bolatyn. Al jańa «5-10-20» baǵdarlamasy eń tómengi 5 paıyzdyq mólsherlememen 10 paıyzdyq bastapqy jarna tóleý arqyly 20 jylǵa beriletin eń tıimdi usynys bolaıyn dep tur.

Bıyl elimizde buryn-sońdy bolmaǵan kólemde turǵyn úı salynady. Atap aıtqanda, 15 mıllıon sharshy metr nemese 150 myń pəter naryqqa shyǵarylmaq. Osy oraıda baspanaly bolýǵa nıetti azamattar tıimdi ıpotekalyq baǵdarlamalardy qalt jibermeı qadaǵalaıtyny anyq. Elimizde baspanany ıpotekalyq nesıe aryqyly beretin baǵdarlamalardyń ishinde eń tómengi 5 paıyzben Turǵyn úı qurylysy jınaq banki berip keldi. Biraq banktiń sharty boıynsha úsh jyl kóleminde alatyn úıińizdiń 50 paıyzyn ıaǵnı jarty aqshasyn jınap úlgerýińiz kerek. Mysaly, quny 10 mln teńgeni quraıtyn úıdiń 5 mln teńgesin 3 jyl kóleminde atalǵan banktiń dıpozıtinde jınaýǵa tıissiz. Osy jaǵdaıda ǵana bank sizge 5 paıyzben nesıe beredi. Al bul sharttar oryndalmaǵan jaǵdaıda paıyzdyq mólsherleme 7-8,5 paıyzǵa kóteriledi. Eskeretini 3 jyl kóleminde qomaqty qarajat jınaý  kez-kelgenniń qolynan kelmeıdi.

Sondyqtan tabysy mardymsyz qarasy qalyń kópshilik uzaq ýaqytqa joǵary paıyzben nesıe alýdy artyq sanaıdy. Sharttary shubalań, talaptary tastaı baǵdarlamalardyń ishinde aqylǵa qonymdysy «7-20-25» baǵdarlamasy. Iаǵnı, alǵashqy jarna retinde úıdiń 20 paıyzyn tólep, 7 paıyzben 25 jylǵa baspana alýǵa múmkindik týdy. Bul baǵdarlama 2018 jyldyń 4 shildesinen bastap iske qosyldy. Sońǵy málimet boıynsha «7-20-25» baǵdarlamasyna qatysý úshin bankter 29 904 ótinish qabyldap, onyń ishinen 175,3 mlrd teńgege 14 824 nesıe berilgeni anyqtalyp otyr. Osy rette, 10007 nesıe bankter tarapynan maquldanbaǵan. Berilgen nesıeler boıynsha Nur-Sultan qalasynda 63,4 mlrd teńgege 4514 nesıe berilse, Almaty qalasynda 42,5 mlrd teńgege 3135 nesıe berildi.

Sonymen qatar Aqtóbede 7,4 mlrd teńgege 856 nesıe maquldandy. Buǵan deıin atalǵan baǵdarlama tek jańadan salynǵan baspanalarǵa arnalǵany aıtylǵan bolatyn. Baspana qory basshylyǵy tarapynan óńirlerde jańa úılerdiń jetispeıtini talaı ret túıitkildi másele retinde jarııalanyp ta, aıtylyp ta keldi. Tipti, Túrkistan oblysynda jańa úıler endi salynyp jatqandyqtan áli bir de bir nesıe berilmegeni belgili bolyp otyr. Tek «Nurly jer» baǵdarlamasy arqyly salynyp bitken úıler jalǵa berý baǵdarlamasy arqyly qyzmeti aýysqandarǵa úlestiriledi eken. Eń tómengi kórsetkishtiń biri - Qyzylorda oblysyna tıesili. Iаǵnı búgingi kúnge deıin 1 mlrd teńgege 122 nesıe berilip otyr. Keıbir óńirlerde kórsetkishtiń tómen bolýy bastapqy turǵyn úıdiń jetispeýshiliginde ekenin «7-20-25» baǵdarlamasynyń basshylyǵy da jasyrmaıdy.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Uqsas jańalyqtar