JAŃA OQÝ KORPÝSY PAIDALANÝǴA BERILDI

Qudaıbergen Jubanov atyn­daǵy Aqtóbe memlekettik ýnı­versıtetinde kóptegen maman­dyq­tar boıynsha mamandar daıar­lanyp shyǵýda. Jyl ótken saıyn jańa mamandyqtarǵa oqy­tatyn fakýltetter ashylyp, stý­dentter sany artýyna baı­lanysty ýnıversıtet basshy­ly­ǵy oqý ornynyń materıaldyq-tehnıkalyq bazasyn keńeıtýdi udaıy nazarda ustap keledi. Jaqynda osy oqý orny taǵy bir oqý korpýsymen tolyqty. Oqý ornynyń jańa nysa­nyn­da endi fızıka-matematıka jáne jaratylystaný fakýl­tet­teriniń stýdentteri bilim alatyn boldy. Jańa ǵımarattyń tusaý­ke­serine qatysqan Aqtóbe qala­synyń ákimi Arhımed Muham­betov osy joǵary oqý ornynyń stýdentterge sapaly bilim berý múmkindigi mol ekenin aıtyp ótti. Al ýnıversıtet rektory Ken­jeǵalı Kenjebaev óz keze­ginde tehnıkalyq kómegi úshin qalalyq ákimdikke rızashy­ly­ǵyn bildirdi. Jańa oqý korpýsynda 25 aýdıtorııa, ınternet jelisine qosylǵan 6 synyp ınteraktıvti taqtamen jabdyqtalǵan árqaı­sy­sy 120 oryndyq eki zal bar. Bul qurylysqa ýnıversıtet 200 mıllıon teńgeden astam óz qarjysyn jumsady Satybaldy SÁÝIRBAI. Aqtóbe oblysy. ...EKI BALABAQShA AShYLDY Qaraǵandydaǵy №59 jáne №83 mektepter janynan qu­ryl­ǵan balabaqshalarǵa 3-5 jas ara­lyǵyndaǵy 100 jetkinshek qa­byl­dandy. Eki tilde júrgiziletin tanymdyq sabaqtarda olar tań­er­teńnen keshke deıin tárbıeshi pe­dagogtar qamqorlyǵynda bo­lyp, árip tanıdy, bı, án úı­renedi. Qazir 6 jasqa deıingi búldir­shin­derdiń qala boıynsha bala­baq­shalarǵa qamtylýy 69 paıyz­dy quraıdy. 6 myńnan astam ata-ana kezekte tur. Aldaǵy bir-eki jylda balalardy tárbıege alý oryndaryna berýdi tolyqtaı qamtamasyz etý mindeti qoıylyp otyr. Sáýir, mamyr aılarynda qaladaǵy Maıqudyq, Eski áýe­jaı bólikterindegi jáne Suryp­taý stansasyndaǵy №40, №46, №91 mektepteri janynan óskin­derge arnalǵan shaǵyn orta­lyq­tar ashylady. Aıqyn NESIPBAI. QARAǴANDY. ...TELEBAǴDARLAMA KО́ŃILDEN ShYQTY Elimizdegi sot júıesin re­for­malaý qadamdary halyqtyń múddesin qorǵaýǵa baǵyttalǵan. Munda eshqandaı da alalaý men adaqtaýǵa, burmalaý men búr­ke­me­leýge jol berilmeıdi. Iаǵnı, adam taǵdyryn sheshýdegi adal­dyq, ashyqtyq, bıik jaýap­ker­shilik qatań suralady. Osy maqsatta oblystyq sot jańa bastama kóterip, Aqmola te­ledıdarynan “Ádil sot paıy­my” jáne “Logıka pravosýdııa” baǵdarlamalaryn efırge shy­ǵar­dy. Ol aptasyna tórt ret qaı­talanyp shyǵyp turady. – Jańa jobada sýdıanyń úkim ne sheshim shyǵarardaǵy is-áreketi, súıenetin dáıekteri men zańnama normalary týraly to­lyq aqparat jáne túsinik be­ri­le­di, – dedi Aqmola oblystyq so­tynyń tóraǵasy Aqjan Esh­taı. Bul, birinshiden, jurtshy­lyqty sot tóreliginiń qalaı júzege asatynynan habardar etse, ekinshiden, jaýapkershilikti kúsheıtý arqyly ózara senim men qurmetti qalyptastyrady. Baqbergen AMALBEK. Aqmola oblysy.