Qazaqstan • 12 Mamyr, 2020

Talapkerler JOO-ǵa qujatty elektrondy túrde tapsyrady

63 retkórsetildi

Maýsym aıynan bastap barlyq JOO-lar qujattardy elektrondy túrde qabyldaı bastaıdy. Bul týraly Bilim jáne ǵylym mınıstrligi ótkizgen onlaın konferensııada aıtyldy.

«Sıfrlandyrý máselesi óte ózekti bolyp tur. Biz bıyl birinshi ret sıfrlyq rejımde UBT tapsyrýǵa qujattardy qabyldadyq. Aldyńǵy jylmen salystyrǵanda qujattardyń sany biraz kóbeıdi. Sıfrlandyrý máselesi ary qaraı da bizdiń basty nazarymyzda bolady», - deıdi QR Bilim jáne ǵylym mınıstri Ashat Aımaǵambetov.

Onlaın konferensııada jyl saıyn JOO-larǵa qujat tapsyrý máselesi de aıtyldy.  «Jyl saıyn 300 myńnan astam túlek qujat tapsyrady. Qujattar paketi fotosýret, kóshirme, kýálikten jáne basqa da qujattardan turady. Jyl saıyn osyndaı qujattardy tapsyrýǵa 1 mrld teńge jumsalady. Sonymen qatar qujattardy baryp tapsyrý, kezekke turý kerek. Mundaı qajetsiz kezekke turýdy boldyrmaý úshin qujattardy qabyldaýdy avtomattandyrý kerek. Bıyl barlyq bilim berý uıymdaryna qabyldaý Elektrondyq úkimet portaly arqyly júzege asyrylady. Portalda kishkene apattyq jaǵdaı oryn alǵandyqtan, onyń qalaı júzege asyrylatynyn qazir kórsete almaımyz. Maýsym aıynan bastap barlyq JOO-lar qujattardy elektrondy túrde qabyldaıdy», - deıdi Bilim jáne ǵylym vıse-mınıstri Rústem Bıǵary.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar