Qoǵam • 12 Mamyr, 2020

Elordada karantın rejımi áli de saqtalady - Janna Pirálıeva

33 retkórsetildi

Nur-Sultan qalasynyń bas sanıtarlyq dárigeri Janna Pirálıeva elordada shekteý sharalary men karantın rejımin áli de saqtaý qajet ekenin aıtty. 

«Bul jeńildikter KVI syrqattanýshylyǵynyń ósýi 7 kún ishinde 7%-dan aspaıtyn deńgeıge jetken jaǵdaıda engizilýi múmkin ekenine nazar aýdarǵym keledi. Bul birinshi kezeń. Kelesi 2 kezeń COVID-19 syrqattanýshylyǵynyń ósýi 7 kún ishinde 5%-dan artyq emes jáne odan ári 2%-dan artyq emes deńgeıge jetken jaǵdaıda dáıekti túrde kózdelgen», – dep atap ótti J. Piralıeva.

Onyń aıtýynsha, bul rette, oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, estelik jáne ádet-ǵuryp sharalaryn ótkizýge, saýda jáne oıyn-saýyq ortalyqtarynyń, kınoteatrlardyń, teatrlardyń, kórmelerdiń jáne adamdar kóp jınalatyn basqa da nysandardyń, dinı nysandardyń qyzmetine tyıym salynǵan.

«Nur-Sultanǵa jumysqa kelý tártibine jeke toqtalǵymyz keledi. Selınograd, Arshaly jáne Shortandy aýdandarynyń, Aqmola oblysynyń turǵyndary úshin karantın aımaǵyna kirýge Nur-Sultan qalasynyń uıymdarynyń jumys ornynan anyqtama jáne atalǵan aýdandar men eldi-mekenderde turǵylyqty tirkelgeni týraly málimetterdi kórsetken jaǵdaıda ǵana ruqsat etiledi. Qalǵan azamattarǵa kirýge ruqsat Nur-Sultan qalasynda tirkeýde turǵany týraly jáne jumys ornynan anyqtamasy bolǵan jaǵdaıda beriledi. Budan basqa shekteý sharalary men karantınniń saqtalýyn baqylaý qalaı júzege asyrylatyny týraly barlyǵyn habardar etemiz. Esterińizde bolsyn, TJ rejımi alynyp tastalǵanymen, karantın qaldy», – dedi J.Pirálıeva.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar