Onlaın brıfıng barysynda bas sanıtar ár balabaqshada 50 paıyz ǵana bala toptalǵan jaǵdaıda toptardy ashýǵa ruqsat beriletindigin jetkizdi.
«Sonda ǵana balabaqshada aýrý taralý múmkindigi tómendeıdi. Balabaqshalarǵa dezınfeksııalyq sanıtarlyq talaptardy kúsheıtip jatyrmyz. Ár balabaqsha 15 mınýt-1 saǵat ishinde jeldetilýi tıis. Oıynshyqtardy, esik tutqalaryn 2 ret óńdeý talap etiledi. Balalarǵa jumsaq oıynshyqtardy berýge tyıym salynady. Balalardyń jatyn oryndarynda ár tósektiń arasy 1 metr bolý kerek», - dep atap ótti Jandarbek Bekshın.
Barlyq balabaqshalarǵa bakterısıdti lampa, aýa tazalaıtyn reserkýlıator ornatýǵa keńes bergen bas sanıtarlyq dáriger «Tárbıeshiler men qyzmetkerlerge de mindetti túrde qolǵap pen maska taǵý talap etiledi. Balalardy balabaqshaǵa júkti áıelder men qart adamdarǵa ákelýge ruqsat berilmeıdi. О́ıtkeni, juqtyrý qaýpi joǵary. Ár aýdanda osy talaptardy qadaǵalaý úshin arnaıy toptar qurylady. Bul úshin ár aýdandarda balabaqshalardy qabyldaýshy arnaıy toptar qurylady. Olarǵa bilim bóliminiń qyzmetkerleri, aýdandyq sanıtarlyq mekeme qyzmetkerleri kiredi. Olar birlesip barlyq baqshalardy qarap shyǵady. Tekserý barysynda zań buzýshylyqtar tirkelse olar ákimshilik jaýapkershilikke tartylady. Tipti balabaqsha jabylady», - dep atap ótti.
