Aımaqtar • 12 Mamyr, 2020

Maqtaaraldyq oqýshylar «Saryaǵash» emdik – saýyqtyrý shıpajaıynda demalady

20 retkórsetildi

Túrkistan oblysy mádenıet basqarmasyna qarasty «Ońtústikfılm» KMM-niń ujymy Maqtaaral aýdanynda sý basqan aýyldardyń turǵyndary ornalasqan evakýasııalyq ortalyqtarǵa arnaıy keldi. Turǵyndardy rýhanı qoldaý jáne balalarǵa qýanysh syılaý maqsatynda kelgen ujym N5 Maqtaaral mektep-gımnazııasynda ornalasqan búldirshinderge anımasııalyq fılmder kórsetti.

Túrkistan óńirinde túsirilgen tarıhı týyndylar men tárbıelik máni joǵary mýltfılmder balalardyń kóńilinen shyǵyp, keremet kóńil-kúı syılady. Mekeme qyzmetkerleri barlyq evakýasııalyq ortalyqtarǵa baryp, kórsetilimder jasamaq.

Al sýdan zardap shekken Jeńis, Nurly jol, Jantaqsaı, Jańa turmys, О́rgebas, Fırdoýsı aýyldarynyń dárigerlik esepte turǵan jáne kópbalaly otbasydan shyqqan  152 oqýshy  «Saryaǵash» emdik saýyqtyrý shıpajaıyna demalysqa attandy. Bul ıgilikti iske Qoǵamdyq densaýlyq basqarmasy uıytqy bolyp otyr. Maqtaaral aýdandyq bilim bóliminiń basshysy Muratbek Serikbaevtyń  aıtýynsha, sanatorııde oqýshylar  qashyqtan bilim alýdy jalǵastyryp, esh kedergisiz oqý jylyn aıaqtap shyǵady.

Aıta keteıik, sý basqan aýyldardaǵy  5 mektepte 1820 oqýshy dáris alyp kelgen. Sonymen qatar, 425 búldirshin 6 balabaqshaǵa baratyn. Qazirgi tańda bul oqýshylar men búldirshinder evakýasııalyq ortalyqtarda ornalasyp, qashyqtan oqytý júıesi arqyly bilim alýda. Oqýshylar jańa baspanalaryna oralǵanǵa deıin elimizdiń aýmaǵyndaǵy demalys-saýyqtyrý lagerlerinde demalatyn bolady.

Sondaı-aq oqýshylardan bólek, evakýasııalanǵan turǵyndardyń arasynan 47 zeınetker men sozylmaly aýrýy bar bir top naýqas  «Birkólik» saýyqtyrý - ońaltý keshenine demalysqa jiberildi. Aldaǵy eki aptada olar  em qabyldaıtyn bolady.

12

Sońǵy jańalyqtar

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar