Ońtústik shaharda 4 kún boıy órttiń sóndirilmegenin aıtyp shaǵymdanǵan qala turǵyndarynyń jazbasynda «Keńsaı-1 zıratynyń mańyndaǵy qoqys úıindisi órtenip jatyr. Bul qoqysty zırat jumysshylary úıgen. Tórt kún boıy tútin shyǵyp jatyr. Sársenbaev kóshesinde turatyn turǵyndarǵa tynys alý óte qıyn. О́rtti sóndirmeı-aq, qoqysty shyǵarmasa bolmaıdy. Qaladaǵy órte qarsy qyzmetke habarlastyq. Biraq, nátıje joq» delingen.
Áleýmettik jelidegi saýalǵa qalalyq TJD ókilderi jaýap berip, órt bastalǵan kúnnen bergi jumystardy hronologııalyq tártip boıynsha atap ótti.
«Qazaqstan Respýblıkasynyń zańnamasyna sáıkes 101 jelisine túsken qońyraýǵa mindetti túrde jaýap beriledi. Departamentke kelip túsken barlyq habarlama boıynsha áreket etedi. 8 mamyrda saǵat 22:30-da 101 nómirine habarlasqan turǵyndar «Keńsaı-1» musylman zıratynyń qasynda órt bastalǵanyn aıtty. Oqıǵa ornyna órt sóndirýshiler jetýi qıyn boldy. О́rt sóndirýshiler kelgende aýdany 50 sharshy metr aýmaq órtenip jatqan. О́rtti sóndirýge 10 adam, 2 avtosısterna jumyldyryldy. О́rt túngi saǵat 00:22 mınýtta sóndirildi», - delingen TJD baspasóz dereginde.
Departament ókilderi sonymen birge 9 mamyrda jaýyn jaýǵandyqtan ol mańda tútin shyqpaǵanyn atap ótti. 11 mamyrda 20:31 mınýtta sol aýdannyń turǵyny 101 dıspetcherine «Keńsaı-1» musylman zıratynda órt bastalǵany týraly derekterdi nazarǵa aldy. О́rt sóndirýshiler oqıǵa ornyna jaıaý jetýge májbúr boldy. Belgili bolǵandaı, ol jerde de qoqys órtengen. Aýdany 50 sharshy metr órt túngi saǵat 21:17-de sóndirildi.
Bul órtti sóndirýge 6 adam men 1 kólik jumyldyryldy. Al 12 mamyrda saǵat 11:53-te taǵy musylman zıratynda órt shyqqany týraly habarlama túsken. Oqıǵa ornyna barǵanda órt sóndirýshiler órtengen jer shoqtanyp byqsyp jatqanyn kórgen. Tútindegen 30 sharshy metr aýmaq saǵat 12:26-da sóndirildi. Tótenshe jaǵdaıdan eshkim japa shekpegen.
