Jeńistiń 75 jyldyǵyna oraılastyrylǵan bul shara oblys ákimi Mahambet Dosmuhambetov pen Atyraý qalasynyń ákimi Qaırat Orazbaev qatysýymen ótti. Alleıanyń qurylysyn júrgizýge oblys pen qala ákimdikteri bastamashy bolypty. Munda Ekinshi dúnıejúzilik soǵysta Keńes Odaǵynyń Batyry, «Dańq» ordeniniń tolyq ıegeri atanǵan maıdangerlerge 14 bıýst qoıyldy. Olardyń qatarynan Halyq Qaharmany Hıýaz Dospanova men «Dańq» ordeniniń taǵy bir tolyq ıegeri Saqap Qyzylovtyń esimi oryn aldy. Bıýst qoladan quıylyp, tuǵyrtasy granıtten jasalypty.
– «Jeńis» saıabaǵy ár jyldary Jeńis kúni qarsańynda jańartylyp keledi. Bıyl saıabaqtyń aýmaǵy keńeıtilip, kúrdeli jóndeý jumystary jasalyp jatyr. Saıabaqtyń janyna 1000-ǵa jýyq alma aǵashy otyrǵyzyldy. Endi 3800 sharshy metr gazon tóselýde, – deıdi Atyraý qalasynyń ákimi Qaırat Orazbaev.
Al «Taǵzym» alleıasyna jergilikti kásipkerler demeýshilik jasady.
