Qoǵam • 13 Mamyr, 2020

«Jas maman» jobasy jańǵyrtýdy kózdeıdi

37 retkórsetildi

Tuńǵysh Prezıdent Nursultan Nazarbaevtyń Jastar jylynyń ashylý saltanatynda jarııalanǵan tapsyrmasyna sáıkes «Jas maman» jobasy júzege asyrylýda. Bul joba «Jastar – el tiregi» ulttyq jobasynyń quramyna kiredi.

Atalǵan jobanyń negizgi maqsaty – suranysqa ıe ónerkásiptik jáne servıstik 100 mamandyq boıynsha 180 kol­ledj ben 20 JOO-yn jańǵyrtýdy jáne bilikti mamandardy daıarlaýda ha­lyqaralyq tájirıbeni engizý. Joba aıasynda she­shim­der qabyldaýdyń ashyqtyǵyn qam­tamasyz etý úshin barlyq múd­deli mem­lekettik organdardyń, sala­lyq qa­ýymdastyqtardyń jáne «Ata­me­ken» UKP qatysýymen «Jas maman» jo­basyn iske asyrý jónindegi komıs­sııa qurylǵan. Joba aıasyndaǵy bar­lyq sheshimderdi Komıssııa talqylap, qa­byldaıdy. Osyǵan oraı Eńbek jáne ha­lyqty áleýmettik qorǵaý mınıstrligi su­ranysqa ıe 100 mamandyqtyń tizimin anyqtady. Aıta ketý kerek, 180 kolledj jáne 20 JOO irikteý sapa kórsetkishteri boıynsha konkýrstyq negizde júr­gi­zilgen. Kolledjderde kadrlardy da­ıyn­daýdyń halyqaralyq standarttaryn engizý úshin sheteldik seriktester tartylady. Olarmen birlesip kadrlardy daıyndaý baǵdarlamalaryn jańartý, oqytýshylardy daıarlaý jáne oqý orny men menedjment prosesterin jetildirý boıynsha jumys uıymdastyrylǵan.

Sonymen qatar 2020 jyly 80 kol­ledjdi zamanaýı jabdyqtarmen jaraq­tan­dyrýǵa respýblıkalyq bıýdjetten 25,8 mlrd teńge qarastyrylǵan. Ha­lyq­aralyq standarttarǵa sáıkes jańa jab­dyq­tarmen, baǵdarlamalarmen kolledj­derde oqýdy bastaý aǵymdaǵy jyldyń 1 qyrkúıeginen bastap, al qalǵan 100 kolledjdi kelesi jyly jabdyqtaý jos­par­lanǵan.

Kolledjderdi jabdyqtaýǵa ar­nal­ǵan jabdyqtardyń tizimi jergilikti atqarýshy organdar men kolledjderdiń usynystaryna, jumys berýshilerdiń talaptary men WorldSkills standart­tar­yna sáıkes jasalǵan. Jabdyqtardy satyp alý Qazaqstan Respýblıkasynyń mem­leket­tik satyp alý týraly qoldanystaǵy zańnamasyna sáıkes júzege asyrylatynyn aıta ketsek deımiz. «Jas maman» jobasy nátıjeleriniń iske asyrylýy barlyq múddeli taraptardyń qatysýymen baqylanady.

Jobany júzege asyrýshylardyń sózinshe, salalyq halyqaralyq stan­dart­tardyń engizilýine baılanysty kásip­oryndardyń jumys istep turǵan qyz­metkerlerin olardyń talaptaryna sáıkes oqytý jáne qaıta daıarlaý bóli­gin­de kásiporyndarmen ózara tıimdi yntymaqtastyq ornatylady. Bul kolledjderge kompanııanyń oqý/trenıng ortalyǵy retinde qyzmet etýge múmkindik beredi, osylaısha kolledjdiń odan ári damýyna qosymsha bıýdjetten tys kiristi qamtamasyz etedi. Sondaı-aq quzyrettilik ortalyqtarynyń bazasynda jastardy ınnovasııalyq jáne startap-jobalarǵa tartý úshin bıznes-ınkýbatorlar/tehnoparkterdiń jumysy uıymdastyrylady, onda tartymdy jobalardy qarjylandyrý úshin bıznes orta shoǵyrlandyrylatyn bolady.

Mysaly, 2019 jyly «APEC PetroTechnic» (Atyraý) joǵary kol­led­jine túsýge qujattardy Qazaqstannyń bar­lyq óńirlerinen 3 myńǵa jýyq adam tap­syrǵan.

«Jergilikti munaı servıstik kom­panııa­larǵa jahandyq brendtermen básekelesýdiń qıyn bolýynyń birden-bir sebebi – kadrlar biliktiliginiń tómen­di­gi. Eger qazaqstandyq oqý oryndary halyqaralyq standarttar boıynsha kadr­lardy birden daıarlaıtyn bolsa jáne jumys berýshilerge jalǵa alý aldynda jas mamandardy «qosymsha oqýǵa» jáne sertıfıkattaýǵa týra kelmese – bul qa­zaq­standyq kompanııalardyń bıýd­jet­te­rine túsetin júktemeni aıtarlyqtaı azaıtady, sondaı-aq jergilikti stýdentter eńbek naryǵyna biraz tartylar edi», dep atap ótti «Petrocouncil» munaı-gaz salasyndaǵy strategııalyq áriptestikti damytý jónindegi keńestiń jetekshisi Asylbek Djakıev.

Al Schlumberger kompanııasy Qazaq­stan­da jyl saıyn APEC túlekteri arasy­nan stýdentterdi jumysqa ornalastyrý úshin testileý ótkizedi.

«ARES túlekteri jyl saıyn testi­leý­ge qatysyp, aǵylshyn tiliniń jet­ki­likti bilimin, kásibı daǵdylary men aq­pa­rattyq tehnologııalardy kórsetedi. My­saly, stýdentterdiń kópshiligi ál­em boıynsha munaı óndirýshi kompa­nııa­­lardy paıdalanatyn Petrel jáne Eclipse baǵdarlamasyn biledi. Bilim jaqsyraq bolǵandyqtan, mamandy da­ıyn­daýǵa az ýaqyt jumsaımyz, ıaǵnı sapaly daıyndyq APEC túlekterin bizdiń kompanııamyzda jumysqa orna­las­tyrý múmkindigin arttyrady», deıdi Qazaqstandaǵy Schlumberger HR mened­je­ri Aıjan Janǵojına.

Sonymen qatar APEC PetroTechnic oqytýshylary OPITO sertıfıkattaýdan ótip, halyqaralyq standarttarǵa saı baǵdarlamalar boıynsha jumys isteýde. Bul qazaqstandyq jastardy sapaly oqytýǵa múmkindik berip qana qoımaı, óz kezeginde Qazaqstannyń barlyq munaı-gaz salasynyń damýyna oń yqpal etetini sózsiz. Tarıhy baı qazirgi zamanǵy jáne aldyńǵy qatarly qazaqstandyq munaı kompanııasynyń biri «Embimunaıgaz» jyl saıyn atalǵan kolledjdiń 50-ge jýyq stýdentterin dýaldy oqytý men praktıkaǵa shaqyrady. Kompanııa stýdentterge jumys berýmen qosa, baǵ­dar­la­malardy, jabdyqtardy ja­ńar­týǵa jáne oqytýshylar qu­ra­myna arnalǵan taǵy­lymdamany uıymdastyrýǵa kómek­te­sedi.

«APEC Retrotechnic stýdentteriniń artyq­shylyqtarynyń biri – kolledjdiń zamanaýı jabdyqtarmen qamtamasyz etilgen sheberhanalarynda jumystyń praktıkalyq daǵdylary arqyly óndi­ris­te jumys isteýge kirisýge daıyn bolýy úshin shynaıy óndiris prosesi ja­salǵan. AMО́Z kásibı óndirýshileri stýdentterdi praktıkamen ǵana qamta­ma­syz etip qoımaı, prosesterdi ózger­tip, jaqsartqysy keletin talantty jas­tar­dyń ıdeıalaryn damytady», deıdi «Atyraý munaı óńdeý zaýyty» JShS HR menedjeri Ásel Jaılasheva.

SPE Atyrau Section 2020 prezıdenti Berik Ýap ARES stýdentteriniń SPE ómirine belsendi qatysýy qýantatynyn jetkizip, stýdentter sala kásipqoılary arasynda óz jobalary úshin mentorlardy taýyp, áleýetti jumys berýshilermen tanysýǵa tamasha múmkindik alatynyn atap ótti. Uıymdastyrýshylardyń só­zin­­she, sátti tájirıbeniń nátıjesinde APEC PetroTechnic Joǵary kolledji «Jas maman» jobasy aıasynda Qazaq­stan­nyń basqa 180 kolledjin jańǵyrtý úshin úlgi boldy deıdi.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar