Aımaqtar • 13 Mamyr, 2020

Zańsyz kıik aýlaǵan brakoner eki jylǵa sottaldy

42 retkórsetildi

Qyzyl kitapqa engen janýarlardy óltirgen qaskóı Qostanaı qalasynyń 36 jastaǵy turǵyny bolyp shyqty. 

Byltyr «Nıva» avtokóligimen Naýyrzym aýdanyndaǵy súrleý jolmen ketip bara jatqan ol О́leńdi aýylynyń mańynda jaıylyp júrgen 4 kıikti kóredi. Jazyqsyz janýarlardy qýa jónelgen «Nıva» 2 kıikti qaǵyp óltiredi.  Janyndaǵy joldasymen birge ońaı oljanyń eti mol irileýin kóligine óńgerip alǵan qylmysker kishkentaı laqty sol jerge tastap ketedi.

Abyroı bolǵanda, qylmyskerlerdi jolda ketip bara jatqan Naýyrzym aýdanynyń turǵyny baıqap qalǵan.  Ol birden polısııaǵa habarlasyp, ózi «Nıvanyń» izine túsedi.  Brakonerlerdi kóp uzamaı-aq polısııa toqtatady.

- Kóligimen eki kıikti qaǵyp óltirgen qylmysker orman sharýashylyǵyna 6 mln teńgeden astam zııan keltirgen. Kúdiktilerge qatysty qozǵalǵan QR QK 337 babynda kózdelgen «zańsyz ańǵa shyǵý» baby boıynsha qylmystyq is aıaqtalyp, aýdandyq sot qylmyskerdi eki jylǵa bas bostandyǵynan aıyrý túrindegi jazaǵa kesý týraly úkim shyǵardy,   - dep habarlady polısııa departamentiniń baspasóz qyzmeti.


Qostanaı oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar