Osy joba arqyly memlekettik sáýlet-qurylys baqylaý, halyqty áleýmettik qorǵaý, órtke qarsy, sanıtarlyq-epıdemıologııalyq qyzmetterdi jáne basqa da múddeli organdardy tarta otyryp, qurylystyń barlyq qatysýshylary úshin (Tapsyrys berýshi, merdigerlik uıym, tehnıkalyq jáne avtorlyq qadaǵalaý) biryńǵaı sıfrlyq alań qurý josparlanǵan.
«E-Qurylys» jobasy qurylysqa qatysýshylarǵa júktelgen mindettemelerdi elektrondyq sıfrlyq qoltańba arqyly oryndaýǵa (qaǵaz qujat aınalymyn barynsha azaıtý) jáne aqparattyq derekterdi keıinnen túzetý múmkindiginsiz saqtaýǵa múmkindik beredi.
Sonymen qatar osy júıege beıneni tirkeý jáne jazý quraldaryn qosý kózdelgen. Bul memlekettik sáýlet-qurylys baqylaý organdarynyń jáne basqa da baqylaýshy mekemelerdiń obektiler qurylysynyń barysyn qadaǵalaýyn jáne kameraldyq monıtorıngileýdi qamtamasyz etedi.
