Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Ankaraǵa keldi. Ol Ankarada Túrkııanyń Ulttyq qorǵanys mınıstri Ismet Iylmazben kezdesti. Kezdesý barysynda taraptar ekijaqty áskerı jáne áskerı-tehnıkalyq, sondaı-aq áskerı bilim salasyndaǵy yntymaqtastyqty damytýdyń basymdyqtaryn talqylady.
Qazaqstan Respýblıkasynyń Qorǵanys mınıstri Ádilbek Jaqsybekov resmı saparmen Ankaraǵa keldi. Ol Ankarada Túrkııanyń Ulttyq qorǵanys mınıstri Ismet Iylmazben kezdesti. Kezdesý barysynda taraptar ekijaqty áskerı jáne áskerı-tehnıkalyq, sondaı-aq áskerı bilim salasyndaǵy yntymaqtastyqty damytýdyń basymdyqtaryn talqylady.
– Qazaqstan Qorǵanys mınıstrligi Túrkııa qorǵanys vedomstvosymen jáne Qarýly kúshterimen aradaǵy yntymaqtastyqty qarqyndy túrde damytýǵa barynsha mańyz beredi. Túrkııa – Qazaqstannyń qorǵanys salasyndaǵy yntymaqtastyq sheńberindegi mańyzdy áriptesteriniń biri. Eki el arasyndaǵy áskerı saladaǵy ózara is-qımyl bolashaqta da senimdi áriptestik pen ózara tıimdilik prınsıpinde damı beretinine senim bildiremin, – dedi Ádilbek Jaqsybekov.
Túrkııa Qarýly kúshteri Bas shtabynyń bastyǵy armııa generaly Nedjet О́zelmen kezdesý kezinde Qazaqstan qorǵanys vedomstvosynyń basshysy Túrkııa Qarýly kúshteriniń Soltústik Atlantıka odaǵy elderi ishindegi tıimdi ári jaýyngerlik qabileti joǵary ásker ekenin atap ótti. Qazaqstan Qorǵanys mınıstrligi Túrkııa tájirıbesin úırený men qoldaný maqsatynda yntymaqtasýǵa múddeli.
– Qazaqstan Prezıdenti – Qazaqstan Respýblıkasy Qarýly Kúshteriniń Joǵarǵy Bas qolbasshysy Nursultan Nazarbaev Qazaqstan men Túrkııa arasyndaǵy yntymaqtastyqqa aıryqsha mańyz beredi. Sonyń arqasynda búginde bizdiń armııa jemisti ózara is-qımyl jasap otyr. Túrkııa Qarýly Kúshteri men Bas shtaby Qazaqstan Qarýly Kúshteriniń bastapqy qalyptasýy men damýy kezeńinde alǵashqylardiń biri bolyp jan-jaqty qoldaý kórsetti. Búginde Qazaqstan áskeri áskerı qaýipsizdiktiń zamanaýı qaterlerine qarsy turarlyq áleýetke ıe. Qazaqstan Qorǵanys mınıstrliginiń negizgi basymdyqtarynyń ishinde áskerı bilim berý júıesin jetildirý, armııany kásibılendirý jáne tehnıkalyq jańǵyrtý máseleleri bar, osyǵan baılanysty sizderdiń tájirıbelerińizdi úırenýge jáne qoldanýǵa múddelimiz, – dep atap ótti Ádilbek Jaqsybekov.
Sapary sheńberinde Qazaqstannyń Qorǵanys mınıstri Túrkııa qorǵanys ónerkásibi kásiporyndarynyń ishindegi jetekshi kompanııalardyń biri, áskerı-elektrondy ónerkásiptiń kóshbasshysy «Aselsan», sondaı-aq ushý quraldarynyń jańa júıesin jańǵyrtýdyń, modeldeýdiń jáne ıntegrasııalaýdyń negizgi oryndaýshysy – «TAI» kompanııalarynda bolady.
«Egemen-aqparat».
