Aımaqtar • 13 Mamyr, 2020

Antıkor: Jelidegi zańsyz oıyndardan saqtandyrdy

53 retkórsetildi

Mańǵystaý oblystyq Sybaılas jemqorlyqqa qarsy qyzmet departamentiniń áleýmettik jelilerdegi resmı paraqshalarynda ınternette ótetin zańsyz lotereıa oıyndarynyń saldary aıtylǵan tikeleı efır ótti. Taqyryp aı saıyn dástúrli túrde ótetin «Halyq zańgeri» jobasy aıasynda talqylandy, dep habarlaıdy atalǵan departamenttiń baspasóz qyzmeti.

Efırge Mańǵystaý oblysy boıynsha ekonomıkalyq tergeý departamentiniń Shtab basshysy Halymgereı Ketebaı men Jedel basqarma basshysynyń orynbasary Ǵabıt Abýǵalıev qatysyp, oblys turǵyndarynyń ınternette ótkiziletin zańsyz oıyndarǵa qatysty suraqtaryna jaýap berdi.

Sońǵy kezderi áleýmettik jelide oqyrmany kóp blogerler men ártister lotereıa oıyndaryn jıi uıymdastyryp, jarnamalaıtynyna kýá bolyp júrmiz. Qymbat kólik, qalanyń ortasynan birneshe bólmeli páter, shetelge joldama utysqa qoıý arqyly halyqty syılyqtarmen qyzyqtyryp, bılet baǵasyn birneshe myńǵa baǵalap, satý jumystaryn júrgizedi. Alaıda, mamandar qazirgi kezde lotereıa ótkizetin jalǵyz operator – «Sátti Juldyz» AQ bar ekenin, lotereıa ótkizý osy AQ tıesili ekenin, al jeke tulǵalar men mekemelerdiń lotereıa ótkizýi zańsyz dep sanalatynyn atap ótti.

- Eger zańsyz oıyndarǵa qatysqan jaǵdaıda, salymdaryn kerý qaıtarý qıyn, kóp jaǵdaı da múmkin bolmaıdy. Bundaı oıyndardan aýlaq bolýǵa shaqyramyz. Qatyspaǵandaryńyz jón, deıdi mamandar.

Aıta keteıik, ekonomıkalyq tergeý departamentiniń mamandary ınternette ótkiziletin zańsyz lotereıalarmen qosa, kishigirim konkýrstardy da qadaǵalaý kerektigin jetkizdi. Árbir ótkizilip otyrǵan konkýrstyń ótkizýli ýaqyty men orny, qalaı júrgiziletini týraly aqparattar ashyq bolýy tıis ekenin aıtty.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar