Aımaqtar • 13 Mamyr, 2020

Qaraǵandy oblysy: Erikti jasaqtyń erleri marapattaldy

103 retkórsetildi

Tótenshe jaǵdaı rejimi jarııalanyp, karantın shekteýleri engizilgen kezde Qaraǵandy oblysynda 95 azamat óz erkimen áskerı qyzmetke barǵan bolatyn. Bir aıdyń ishinde olar Qaraǵandy men Temirtaý qalalarynda 9 mıllıon sharshy metr aýmaqty dezınfeksııalyq quraldarmen óńdep, aýqymdy jumysty atqaryp shyqty.

Aıta ketetin bir jaıt, áskerge shaqyrylýshylardyń barlyǵy  turǵylyqty jerleri boıynsha qyzmet etti, ıaǵnı olar basqa óńirlerge jiberilgen joq. Sondaı-aq, olar jumys kúni bitkende úılerine jiberilip otyrdy.

Búgin tótenshe jaǵdaı rejimi kezinde asa jaýapty jumysty abyroımen atqarǵan osy erikti jasaq sarbazdaryna Qaraǵandy oblysy ákiminiń, qala basshysynyń, «Astana» óńirlik qolbasshylyǵy áskerleri qolbasshysynyń jáne jumyldyrý daıyndyǵy basqarmasynyń atynan «Alǵys hattar» tabys etildi.

 Áskerı mindettilerdi marapattaý kezinde Qaraǵandy oblysy ákiminiń orynbasary Ermaǵanbet Bólekpaev karantındik is-sharalarǵa at salysqan barlyq azamattarǵa, jergilikti BAQ ókilderine alǵys sezimin jetkizdi.

Qaraǵandy oblysynyń jumyldyrý daıyndyǵy basqarmasynyń basshysy Jomart Jylqybaev áskerge shaqyrylǵandardyń ortasha jasynyń 25-35 jas aralyǵynda bolǵanyn atap ótti.

– Olardyń arasynda ýaqytsha jumyssyz qalǵandar, shaǵyn jáne orta bıznes salasynyń ókilderi boldy. Sondaı-aq, medısınalyq bilimi bar 17 adam shaqyrtyldy. Arnaıy áskerge shaqyrylýshylarǵa áskerı qyzmetshiler úshin kózdelgen barlyq jeńildikter qarastyryldy. Jumyssyzdarǵa memleketten 42 500 teńgeden aqsha tólendi, al jumys istep júrgender burynǵydaı mólsherde eńbekaqylaryn aldy, – dedi ol.

Sonymen qatar, Jomart Jylqybaev áskerı mindettilerdiń úsh mezgil tamaqpen, kıim-keshekpen, jeke qorǵanys quraldarymen jáne arnaıy kostıýmdermen qamtamasyz etilgenin baıandady. Ár jumys kúni bitken kezde sarbazdardyń barlyǵy PTR-test taldaýynan ótip turǵan.

Marapat óz aldyna, Qaraǵandy oblysynda karantınniń jeńildetilýine qaramastan, qoǵamdyq oryndardy dezınfeksııalaý jumystary jalǵasa beretin bolady. Jergilikti atqarýshy organdar kondomınıým tártibine saı lıftilerdi, kireberisterdegi esik tutqalaryn jáne aýlalardaǵy balalar men sporttyq alańqaılardyń qural-jabdyqtaryn óńdeýge qamqorlyq jasaýǵa mindetti. 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar