Qoǵam • 13 Mamyr, 2020

Bilim berý uıymdaryna qujat qabyldaý jeńildeıdi - A. Aımaǵambetov

703 retkórsetildi

Bul týraly Bilim jáne ǵylym mınıstri Ashat Aımaǵambetov Facebook paraqshasynda málimdedi.

«Elimizdegi memlekettik qyzmettiń basym bóligi bilim berý salasynda kórsetiledi. Ásirese, balabaqshalarǵa, mektepterge, kolledjderge jáne joǵary oqý oryndaryna qabyldaý qyzmeti – úlken suranysqa ıe. Bilim berý uıymdaryna qujat tapsyrý úshin biraz ýaqyt jumsaý qajet bolatyn. Ol úshin kóptegen anyqtamalardy jınap, basqa memlekettik organdardan qujattardy alyp, olardy aparyp berý syndy birqatar kezeńderden ótý qajet edi. Mundaı prosess óte yńǵaısyz ekeni túsinikti. Biz bul jaǵdaıdy ózgertip jatyrmyz» dep jazdy Ashat Aımaǵambetov.

Máselen, mınıstrlik balabaqshalarǵa, mektepterge, kolledjder men joǵary oqý oryndaryna qabyldaý prosesin avtomattandyrý, qaǵazbastylyq deńgeıin kúrt tómendetý, jalpy qabyldaý talaptaryn jeńildetý jumystaryn qolǵa aldy.

Mektepke deıingi bilim berý uıymdary boıynsha

Bıyl biz balalardy balabaqshalarǵa qabyldaý erejelerine ózgerister engizdik. Endi ata-analar kezekke qoıý qyzmetin tek bilim berý bóliminiń keńsesi arqyly ǵana emes, sondaı-aq óz betimen «Azamattarǵa arnalǵan úkimet» bólimderi nemese «Elektrondyq úkimet» veb-portaly arqyly júzege asyra alady. Bul rette kóptegen qujattardy jan-jaqtan jınaý qajet bolmaıdy.

Alǵash ret balabaqshalarǵa kezekte tirkelgender arasynda basymdyq eń aldymen pedagogterdiń balalaryna jáne múgedek balasy bar otbasylardyń búldirshinderine beriledi.

Egiz balalary, úshemderi bar otbasylar balalaryn bir balabaqshaǵa berý boıynsha qıyndyqtarǵa tap bolatyn. Endi mundaı ata-analardyń bir balasyna belgili bir balabaqshadan oryn tıgen jaǵdaıda, barlyq balalary da (eger taǵy oryn bolca) sol balabaqshaǵa joldama alady.

Sonymen qatar, mektepke deıingi uıymdardaǵy bos oryndardy bólý prosesi júıege keltirildi. Eger buǵan deıin arnaıy sanattaǵy balalar qabyldanǵannan keıin, úsh kún ótken soń, kezekte turǵandardyń barlyǵyna birdeı jańa oryndardy alý múmkindigi ashylsa (mundaıda kezektiń máni joıylatyn), endi oryndar kezekte turǵan kelesi birinshi 1 000 (bir myń) ótinish berýshige ashylatyn bolady.

Mektepke qabyldaý boıynsha

Kelesi jyldan bastap birinshi synyp oqýshylarynyń qujattaryn qabyldaý maýsymnan bastap emes, odan erterek – birinshi sáýir men birinshi tamyz aralyǵyna deıin jalǵasady.

Mundaı ózgerister ne úshin qajet? Birinshiden, bul – ata-analar úshin yńǵaıly. Olar mektepti aldyn-ala anyqtap, oqýǵa túsý úshin qajetti qujattaryn mektep ujymy nemese ózderi eńbek demalysynda bolǵan ýaqytta emes, odan erterek tapsyra alady.

Sonymen qatar, jaz boıy ata-analar qajetti oqý quraldaryn jınaqtap, tıisti jumystardy júrgizip, balalaryn mektepke daıyndaýy kerek. Ata-analar qujattardy jınaýǵa, mektepti anyqtaýǵa úlgermeıtinderin aıtyp shaǵymdanatyn, sondyqtan qujattardy ótkizý prosesi kóbinese 31 tamyzǵa deıin, keı jerlerde tipti qyrkúıektiń ortasyna deıin sozylatyn.

Mektep ákimshiliginiń kózqarasy boıynsha, bul ózgerister prosesterdi ońaılatady jáne mektep qyzmetin josparlaýdy áldeqaıda yńǵaıly etedi. Iаǵnı, mektep basshylyǵy synyptardy aldyn-ala toltyra alady, oqýlyqtardyń qajetti sanymen aldyn ala qamtamasyz etiledi jáne olardy ýaqytynda jetkizedi, saǵattardy bóledi, synyptardyń sanyna baılanysty pedagogterdi qabyldaı alady. Jalpy, oqý jylynyń bastalýyna tıimdi daıyndalýǵa múmkindik týady.

Endi ata-analar balalarynyń mektepke barýyn aldyn ala josparlap, naqty bilim berý uıymyn anyqtaýy qajet jáne kerek qujattardy ýaqytynda tapsyrýdy, jiberýdi úırenýi mańyzdy.

Esterińizge sala ketsem, endi osy úderisterdiń barlyǵy tolyǵymen avtomattandyrylady jáne «Elektrondyq úkimet» arqyly qoljetimdi bolady. Jaı ǵana úıde otyryp, ýaqyt pen basqa da resýrstardy shyǵyndamaı-aq portal arqyly 1-synypqa qabyldaý týraly ótinish berýge bolady.

Oqýshylardy bir mektepten ekinshisine aýystyrý da jańa formatta júrgiziledi, ol prosess te avtomattandyrylady.

Iаǵnı, ata-analarǵa bir mektepten ekinshi mektepke barýdyń qajeti bolmaıdy jáne qaǵaz túrinde qujattardy tapsyrýdyń, eski mektepten ketý túbirtegin, odan keıin kelý túbirtegin resimdeýdiń qajeti joq. Mundaı eskirgen, ýaqyt jáne qarjy shyǵynyn talap etetin rásimdeý prosesimen kóbisi «kezikti» dep oılaımyn. Bul ózgerister ata-analar men mektep úshin ýaqytty únemdeýge múmkindik beredi. Biz bul jumysty jaqyn arada aıaqtaımyz.

Aıta keterligi, bıyldan bastap kolledjder men joǵary oqý oryndaryna qabyldaý avtomattandyrylǵan rejımde qoljetimdi.

О́tken jyly men ata-analarǵa atalǵan jumys 2020 jyly aıaqtalady dep ýáde bergenmin.

Endi balalarǵa qujattardy qaǵaz túrinde tapsyrýdyń qajeti joq, árbir bolashaq stýdent ózi úshin tańdaǵan kolledjdiń jáne JOO-nyń saıttary nemese «Elektrondyq úkimet» portaly arqyly qujattaryn tapsyra alady. Qujat tigetin papkalardy, konvertterdi satyp alý, qaǵaz anyqtamalardy tapsyrý, tań atpastan joǵary oqý oryndary men kolledjderdiń qabyldaý komıssııalarynda kezekte turý nemese basqa eldi mekenge barýdyń qajeti joq. Munyń bári endi ońaı jáne yńǵaıly bolady, saıtqa kirip, bir tetikti basý arqyly barlyq qujattardy jiberýge bolady.

Jalpy memlekettik qyzmetter boıynsha biz bıznes-prosesterdi, rásimderdi barynsha avtomattandyryp jatyrmyz. Bul prosester halyqqa barynsha yńǵaıly bolýy qajet.

 

Sońǵy jańalyqtar

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar