Sapar barysynda Maqtaaral aýdanynda bolyp, tótenshe jaǵdaıdan zardap shekken aýmaqtyń tynys-tirshiligine qanyqty. Aldymen, «Igilik» aýylyndaǵy T.Áýbákirov atyndaǵy mektepte ornalasqan evakýasııalyq bekettiń jaǵdaıyn kórip, osyndaǵy turǵyndarmen kezdesti. 214 adam ornalastyrylǵan bul bekette qazirgi tańda zalalsyzdandyrý jumystary júıeli júrgizilýde. Arnaıy dárigerlerdiń kezekshiligi uıymdastyrylyp, azamattardyń densaýlyǵy turaqty baqylaýǵa alynǵan.
Sondaı-aq, Komıtet tóraǵasy sýdan zardap shekken О́rgebas eldi mekenine de at basyn burdy. Túrkistan oblysy ákiminiń orynbasary Q.Aıtmýhametovpen birge jınalys ótkizip, atqarylýy tıis máselelerge toqtaldy. Sonymen qatar, sanıtarlyq-epıdemıologııalyq ahýaldy turaqtandyrý boıynsha birqatar tapsyrmalar berdi.
«Atakent» aýylyndaǵy №5 mektepte jáne 500 adam ornalastyrylǵan kásiptik-tehnıkalyq mektep bazasyndaǵy evakýasııalyq beketterde turǵyndardyń tamaqtaný jáne jatyn oryndarynyń jaǵdaıyn kórdi. Azamattarmen tildesip, ótinish-tilekterin tyńdady.
Maqtaaral aýdany Taýarlar men kórsetiletin qyzmetterdiń qaýipsizdigi men sapasyn baqylaý basqarmasynyń jumysymen tanysyp, Tótenshe jaǵdaı kezindegi shuǵyl áreket etý algorıtmi men onyń oryndalý barysyn baǵamdady.
О́zbekstan Respýblıkasyndaǵy «Sardoba» sý qoımasyndaǵy apattyń saldarynan Maqtaaral aýdanynda 845 úı, úsh mektep, bes balabaqsha, tórt medısınalyq mekeme jáne Mádenıet úıi sý astynda qaldy. 55 kılometrge jýyq kópirler men joldar shaıylyp, 7 639 gektar egistikti sý basty. Qazirgi tańda turǵyndar 10 evakýasııalyq beketterge ornalastyrylǵan.
Turǵyndarǵa kómekke 600-den astam adam jumyldyryldy. 303 polıseı sý basqan aýyldarda urlyq-tonaý áreketteriniń aldyn alý úshin qadaǵalaý qyzmetin júzege asyrýda.
Zardap shekkender qajetti qorǵanys quraldarymen: qolǵaptarmen, maskalarmen jáne antıseptıktermen qamtamasyz etilgen. Qandaı da bir juqpaly aýrýlardyń taralýyn boldyrmaý úshin saqtyq sharalary kúsheıtilgen rejımde júrgizilýde.
