Qoǵam • 13 Mamyr, 2020

Almatylyq oqýshy Toronto ýnıversıteti stıpendııasynyń ıegeri atandy

218 retkórsetildi

Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebiniń 12-synyp  oqýshysy Nurjan Musabekov University of Toronto (Kanada) ýnıversıtetiniń Lester B. Pearson Scholarship stıpendııasy ıegeri atandy.

Shákirtaqy baǵdarlamasy akademııalyq jetistikterimen jáne daryndylyǵymen erekshelenetin jáne óz mektepterinde kóshbasshy bolyp tabylatyn stýdentterge beriledi. Aıta ketý kerek, shákirtaqy úshinshi jyl qatarynan Nazarbaev Zııatkerlik mektepter jelisiniń oqýshylaryna taǵaıyndalyp otyr. Budan bólek, Nurjanǵa Bentley University Prezıdenttik grantyn, al Carnegie Mellon University shyǵyndaryn tolyq qarjylandyrýdy usynyp otyr. Nazarbaev Zııatkerlik mektebiniń baspasóz qyzmetiniń málimeti boıynsha, Nurjan 9-synyptan bastap mekteptegi ózin-ózi basqarý júıesiniń múshesi. 11-synypta Mektep prezıdenti jáne UNESCO mektep klýbynyń tóraǵasy bolǵan. 10-synypta dostarymen «Nautica School» bilim berý jobasynyń negizin qalap, onyń aıasynda oqýshylarǵa ózderiniń ıkemdi daǵdylarynyń damytýǵa, sondaı-aq keń oılaýdy meńgerýge kómektesken.

Sondaı-aq, TEDxAbaySt uıymynyń múshesi bolyp, TEDxAbayStWomen jáne TEDdxYouthAbaySt konferensııalaryn uıymdastyrýǵa qatysqan. Stanford Honors Academies baǵdarlamasy boıynsha oqyp, onda bıznes pen kóshbasshylyq salalaryn zerttegen. Stenford kýrstary aıasynda mvp (minimum viable product) – Qazaqstan halqynyń áleýmettik osal toptary arasynda qarjylyq saýattylyqty jaqsartý jobasy boıynsha jumys isteı bastady. Sońǵy oqý jyly bastalar aldynda ol KPMG halyqaralyq kompanııasynda jazǵy taǵylymdamadan ótip, onda bıznes mamandyǵy boıynsha oqyǵysy keletinine kóz jetkizdi. Qazirgi ýaqytta «360mentors» mansaptyq ortalyǵynda Nurjan mentorlyq qyzmet atqarady.

«Mekteptiń barlyq qyzmetkerleri men oqýshylaryna bildirgen senimi, mektep qabyrǵasynda ótken umytylmas jyldarym jáne meniń jeke basymnyń qalyptasýyna qosqan úlesi úshin alǵys aıtqym keledi. Mektep meni rasynda tárbıelep shyǵardy. 7 synypta men qıyn irikteýden qalaı ótkenine ózi tańqalǵan senimsiz bala bolyp kelsem, qazir myqty akademııalyq bazasy bar kóshbasshy bolyp ketkeli jatyrmyn. Nazarbaev Zııatkerlik mektebi meniń ómirimdi tolyǵymen ózgertti. Mektepke jáne 360mentors-taǵy dostaryma kórsetken kómegi men bildirgen qoldaýy úshin rızamyn», - dep, Nurjan alǵysyn bildirdi. ⠀

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar