Týrızm • 13 Mamyr, 2020

Koronadaǵdarys qazaq týrızmin teńseltip jiberdi

46 retkórsetildi

COVID-19 pandemııasy Qazaqstanda da, búkil álemde de týrızm ındýstrııasyna tikeleı áser etti.

Týrızm salasynda jumys isteıtin qazaqstandyq kásipkerlerge daǵdarystan shyǵý úshin memlekettik qoldaý qajet. TJ engizilgen sátten bastap QTQ memlekettik qoldaý sharalary boıynsha týrıstik qaýymdastyqtyń usynystaryn shoǵyrlandyra otyryp, QR Úkimetimen júıeli jumys júrgizýde. Usynystardyń bir bóligi memleket tarapynan quptaldy, biraq usynystardy qabyldaý jetkiliksiz shara bolyp tabylady. Sondyqtan QTQ QR Úkimetimen jumys oryndaryn saqtaýǵa jáne týrıstik bıznesti qoldaýǵa yqpal etetin naqty quraldardy ázirleý boıynsha jumysty jalǵastyrýda.

Qazirgi ýaqytta týrıstik naryqtyń qatysýshylary 57 eldiń azamattary úshin vızasyz rejimdi 2020 jylǵy 1 qarashaǵa deıin toqtatý, sondaı-aq QHR men Úndistan azamattary úshin Qazaqstanda 72 saǵattyq vızasyz tranzıttik rejımdi toqtatý týraly QR Úkimetiniń 2020 jylǵy 17 sáýirdegi qaýlysynyń qabyldanýyna alańdaýly.

О́tken jyldary vızalyq rejımdi yryqtandyrý maqsatynda, Qazaqstanǵa kirýge elektrondyq vızalaryn engizý úshin QR Úkimeti qabyldaǵan júıeli qadamdar elge týrıstik aǵynnyń ulǵaıýyna yqpal etti, osylaısha shetel valıýtasynyń bıýdjetke túsýin yntalandyrdy.

Týrıstik naryqtyń qatysýshylary osyndaı qıyn kezeńde sheteldik azamattardyń Qazaqstan Respýblıkasyna vızasyz kirýin shekteý sharalaryn Qazaqstan týrızm ındýstrııasy úshin zııandy dep sanaıdy.

Qazir shyǵý týrızmi naryǵy búkil álem boıynsha is júzinde báseńdedi. Kóptegen týrıstik kompanııalar ishki jáne kelý týrızmine qaıta baǵdarlanady jáne bul daǵdarystan shyǵýdyń jalǵyz joly dep esepteıdi.

Qazaqstandy álemdik týrıstik naryqta týrıstik destınasııa retinde jyljytýdyń naqty quraldarynyń biri iri halyqaralyq kórmelerge qatysý jáne sheteldik týroperatorlar men bloggerler úshin aqparattyq týrlar ótkizý bolyp tabylady.

Qazir Eýropa men AQSh sııaqty tanymal destınasııalarda COVID-2019 úlken taralýy aıasynda Qazaqstandy týrıstik destınasııa retinde ilgeriletý úshin qolaıly jaǵdaı qalyptasty. Tıisti marketıngtik alǵa jyljý kezinde, bizdiń elimiz álemdegi COVID-2019 qarsy kúres aıaqtalǵannan keıin sheteldik týrısterdi tartý boıynsha tıimdi pozısııalarǵa ıe bola alady.

Týrıstik naryqtyń qatysýshylary Qazaqstannyń negizgi nysanaly naryqtarda marketıngtik alǵa basýy boıynsha sharalardy kúsheıtýdi kelesi joldarmen usynady:

1) 2020 jyldyń sońyna - 2021 jyldyń basyna josparlanǵan iri týrıstik kórmelerde QR Qoǵamdyq stendilerin uıymdastyrý: WTM Londonda (2-4 qarasha), IBTM Barselonada (1-3 jeltoqsan),  TMTIа Tashkentte (qarasha-jeltoqsan),  OTDYKH MICE Máskeýde (8-10 qyrkúıek), SATTE India Delıde (qańtar, 2021j.) jáne t. b.;

2) 2020-21 jj. Reseı Federasııasy, Eýropa (Frankfýrt, Parıj, London, Vena), Taıaý Shyǵys (Dýbaı, Er-Rııad, Doha, Maskat jáne t. b.) qalalary boıynsha roýd-shoý uıymdastyrý;

3) tek sheteldik týroperatorlar men týragenttikter úshin ǵana emes, tilshiler, blogerler, MICE uıymdary úshin, sondaı-aq otandyq týrıstik kompanııalar men BAQ úshin ınfotýrlardy uıymdastyrý;

4) Reseı jáne Qytaı naryqtarynda onlaın kórmeleri men V2V vebınarlaryn uıymdastyrý.

Ortalyq Tıan-Shanda týrızmdi uıymdastyrý úshin Qazaqstan men Qyrǵyzstannyń shektes aýmaqtarynda halyqaralyq yntymaqtastyq máselesin talqylaý qajet. Shekaralas aýmaqtardaǵy shekaraaralyq marshrýttar boıynsha uıymdastyrylǵan týrıstik toptardyń ótý tártibi týraly Úkimetaralyq kelisimge qol qoıýdy kóp jyldar boıy qyrǵyz tarapy keıinge qaldyrýda.

Qazirgi koronadaǵdarys jaǵdaıynda osy máselede eki eldiń yntymaqtastyǵy Ortalyq Tıan-Shanda taý týrızminiń damýyna jaǵymdy yqpal eter edi. Álemdik statıstıkaǵa sáıkes taý týrızminiń damyǵan ınfraqurylymy bar elderdiń JIО́-degi taý týrızminiń úlesi týrızmniń basqa túrleriniń JIО́-degi úlesinen ese asyp túsedi.

 

 

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar