Sońǵy táýlikte elde 10 028 adamnyń vırýs juqtyrǵany anyqtaldy, Reseıde barlyǵy 242 271 jaǵdaı tirkelgen.
El úkimeti jaǵdaıdyń qıyndyǵyna qaramastan osy aptadan bastap karantın sharalaryn jeńildete bastady.
Koronavırýs juqtyrǵandardyń kóbi el astanasy Máskeýde tirkelgen. Qala meri Sergeı Sobıanın jaǵdaıdy baqylaýda ustaý úshin Máskeýde karantın sharalaryn mamyrdyń sońyna deıin uzartty.
Vırýs juqtyrǵandardyń sany kóp bolǵanymen, Eýropa elderimen salystyrǵanda qaıtys bolǵandardyń sany tómen. 2 212 adam indetten kóz jumǵan.
О́lim sanynyń az bolýyn el bıligi batys Eýropanyń sátsiz tájirıbesin zertteý arqyly alǵan sabaqtyń nátıjesi dep túsindirdi.
Elde jasalǵan saraptama sany da joǵary, barlyǵy 6 mıllıonǵa jýyq adamdy teksergen.
Álemde barlyǵy 4 283 885 jaǵdaı tirkeldi. Koronavırýstan qaıtys bolǵandar sany 293 157-den assa, 1,5 mln adam indetten emdelip shyqty.
