Aımaqtar • 14 Mamyr, 2020

Túrkistan: Nóserli jaýyn saldarynan birqatar aýdandarda qaýipti jaǵdaı týyndady

412 retkórsetildi

Nóserlete jaýǵan jańbyrdyń saldarynan bolǵan tasqyn sý Túrkistan oblysy Tólebı aýdanynyń Kıeli tas aýyl okrýgine qarasty Sultanrabat aýylynyń turǵyndaryn qaýipsiz jerge kóshýge májbúr etti.

Aýyldaǵy Saýran kóshesiniń 150 turǵyn úıi bar bóliginde qaýipti jaǵdaı týyndaǵan. Aýlalarǵa sý kirgen. Turǵyndar aýdan ortalyǵy Lengir qalasyna evakýasııalandy. Aýdan ákimi Baýyrjan Omarbekovtiń málimdeýinshe, tasqyn sýdyń arnasyn burý, bógeý arqyly úılerdi basyp qalýyna jol bermes úshin oblystyq, aýdandyq tótenshe jaǵdaı qyzmetterimen birlese 180 azamat jáne 44 arnaıy tehnıka jumyldyrylǵan. Tasqyn sý Alataý aýyl okrýginiń Ekpindi aýylyndaǵy jáne Lengir qalasynyń birqatar turǵyn úı aýlalaryna da kirgen.

Sondaı-aq qatty jaýǵan nóserli jaýyn-shashyn saldarynan Qasqasý aýyldyq okrýgindegi Qasqasý ózeni sýynyń deńgeıi kóterilip, arnasynan tasydy. Qasqasý eldi mekeniniń ishindegi 4 birdeı kópirdi sý alǵan. Jedel jumys toby sýdan kelgen qaýiptiń aldyn-alý jumystaryn uıymdastyryp, jergilikti jurt úshin janama kópir arqyly ótý joldaryn qarastyrǵan. Aýdanda atalmysh tótenshe oqıǵalarǵa baılanysty shtab qurylǵan. Qazirgi tańda jańbyr basylyp, sý deńgeıi tómendegen, ıaǵnı qaýip seıildi.

Jaýyn - shashyn saldarynan Qazyǵurt aýdanynda da turǵyn úılerdiń aýlasyna sý kirgen jaǵdaılar oryn aldy. Jigergen aýyl okrýgi boıynsha  30-úıdiń aýlasyna sý kirgen, 2 qora qulaǵan. Atalǵan oqıǵa ornyna órt sóndirý bóliminiń 30 qyzmetkeri aýdan, aýyl ákimdiginen 15 qyzmetker 6-tehnıka jáne 5 motopompamen úı aýlalarynan sý shyǵarý jumystaryn júrgizýde. Oryn alǵan jaǵdaılar boıynsha zardap shekkender joq. Keltirilgen zalal shyǵyndary eseptelýde.

Nɵserli jaýyn-shashyn Saıram aýdany turǵyndaryn da ábigerge saldy. Aqsýkent, Qarasý, Qarabulaq, Mankent aýyldaryndaǵy birqatar úı aýlasyna sý jınalǵan. Aýdan ákimdigi, aýdandyq tótenshe jaǵdaılar basqarmasy basshylyǵy men aýyl əkimderi tarapynan der kezinde tıisti aldyn alý sharalary júrgizildi.

 

 

Túrkistan oblysy

 

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar