Aımaqtar • 14 Mamyr, 2020

Saıajaı kúzetken jasaq

5 retkórsetildi

Tótenshe jaǵdaıǵa baılanysty engizilgen karantın kezinde saıa­jaılardy timiskileıtinder kóbeıipti. Endi sondaılarǵa polısııa qyzmetkerlerine kómekke kelgen atty jasaq músheleri toıtarys bergeli otyr.

Atyraý qalasyna irgeles qo­nystanǵan eldi mekenderde saıajaı ýchaskeleri kóp. Máselen, Almaly selolyq okrýgi aýma­ǵynda 250-den astam saıajaı ýchas­kesi bar. Alaıda, buǵan deıin saıajaı ıeleri óz ýchaskelerine bara alǵan joq. Endi Atyraýda da saıajaılarǵa barýǵa ruqsat berilip otyr. Saıajaı ıeleri  óz ýchaskelerine senbi men jeksenbi kúnderi tańerteńgi saǵat 06:00-den 09:00-ge, keshki 17:00-den 20:00-ge deıin ǵana baryp-kele alady. Al ózge kúnderi  ońaı ol­jany oılaıtyndar saıajaılar­dan qolǵa túskendi ilip ketýge beıim eken.

– Polısııa qyzmetkerleriniń saıajaıdy udaıy qadaǵalaýǵa múm­kindigi bola bermeıdi. Sol sebepten, bir top volonter saıajaılardy baqylaýdy qolǵa aldyq. Oǵan ózimizdiń atymyzdy paıdalanýdy uıǵardyq. О́ıtkeni, saıajaı aýmaǵynda kólik júre almaıtyn tustar bar, – deıdi polısııanyń erikti kómekshileriniń biri Otarǵalı Áýbekerov.

Kóp jyldan beri saıajaı ýchas­­kesinde kókónis, baqsha ónim­de­rin ósiretin Vladımır Zavert­kın­niń aıtýynsha, osy kezge deıin qural-saımandar, qurylys mate­rıal­dary jıi joǵalatyn bol­ǵan. Alaıda, kúzetshi jaldaýǵa qarjynyń tapshylyǵy kedergi keltiredi. Endi atty jasaq iske kiriskeli  beri urlyq aıtarlyqtaı azaıypty. 

Oblystyq polısııa depar­ta­menti baspasóz qyzmetiniń je­tek­­shisi Gúlnazıra Muh­taro­va­nyń málim etýinshe, atty jasaq mú­shelerin polısııa­nyń qoǵamdyq kómekshisi deýge bolady. Qazir 600-den astam qo­ǵamdyq kómekshi bar. Olar jyl basynan beri 100-den asa qylmystyń ashylýyna qolǵabys jasapty.

– Qoǵamdyq kómekshiler  ýchas­kelik ınspektorlarmen birge qo­ǵamdyq tártiptiń saqtalýyna da atsalysyp júr. Ár toqsan saıyn belsendi kómekshilerge 10 aılyq eseptik kórsetkish mólsherinde syıaqy beriledi, – deıdi polısııa  departamentiniń baspasóz hatshysy Gúlnazıra Muhtarova.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar