Laqtyrǵanda da, aıdalaǵa emes, kúıeýiniń súlikqara kóligine dáldep turyp laqtyrǵan. Toǵyzynshy qabattyń balkonynan asqan dáldikpen ushqan ishinde sýy bar plastmassa shólmek, gúl ósip turǵan qumyra, basqa da qatty zattar kólikke edáýir zaqym keltiripti. Temir tulpardyń tóbesi maıysyp, memlekettik nómer taǵatyn tetigi synyp, qaptalyndaǵy aınasynyń kúl-parshasy shyqqan.
Osy oqıǵanyń kýási bolyp, ony uıaly telefonnyń kamerasyna túsirgen turǵyndar, ágárakı, álgi zattar adamnyń tóbesine tússe, bassúıegin oıyp jiberer edi degendi aıtady.
Kóp uzamaı polısııa qyzmetkerleri turǵyndar túsirgen beıne kórinis arqyly qyzýqandy áıeldi taýyp, oǵan Ákimshilik quqyqbuzýshylyq kodeksiniń 434-baby boıynsha aıyppul saldy. Áıel mundaı qadamǵa otbasynda bolǵan kıkiljińnen keıin barǵanyn aıtyp, óz kinásin moıyndaǵan.
Qaraǵandy oblysy