Shved professory Oke Selstrom bastaǵan BUU-nyń hımııalyq qarý jónindegi sarapshylar toby Damaskige qaıtyp oraldy.
Eske sala ketsek, sarapshylar Aleppo jáne Idlıb provınsııalarynda hımııalyq qarý qoldanylǵany týraly málimdemeni tergeý úshin tamyz aıynyń ekinshi jartysynda Sırııada bolǵan edi. Biraq 21 tamyzda Damask túbinde hımııalyq qarý qoldanyldy degen habardan keıin sarapshylar sol jerge baryp, sodan soń baıandama daıyndaý úshin elden ketken bolatyn. Endi olar Damask túbinde zarın gazy bar qarýdyń qoldanylǵanyn rastap otyr. Reseı bolsa sarapshylar hımııalyq qarý qoldanýdyń barlyq jaǵdaılaryn jete zertteýi tıis degen talap qoıýda.
SARAPShYLAR DAMASKIGE QAITA ORALDY
Shved professory Oke Selstrom bastaǵan BUU-nyń hımııalyq qarý jónindegi sarapshylar toby Damaskige qaıtyp oraldy.
Eske sala ketsek, sarapshylar Aleppo jáne Idlıb provınsııalarynda hımııalyq qarý qoldanylǵany týraly málimdemeni tergeý úshin tamyz aıynyń ekinshi jartysynda Sırııada bolǵan edi. Biraq 21 tamyzda Damask túbinde hımııalyq qarý qoldanyldy degen habardan keıin sarapshylar sol jerge baryp, sodan soń baıandama daıyndaý úshin elden ketken bolatyn. Endi olar Damask túbinde zarın gazy bar qarýdyń qoldanylǵanyn rastap otyr. Reseı bolsa sarapshylar hımııalyq qarý qoldanýdyń barlyq jaǵdaılaryn jete zertteýi tıis degen talap qoıýda.
ZILZALA QURBANDARYNYŃ SANY О́SE TÚSÝDE
Pákstandaǵy qýatty jer silkinisinen qurban bolǵandar sany 246-ǵa jetip, 400-deı adam zardap shekken. Jaraqattanǵandardy ornalastyrýǵa aýrýhanalarda oryn jetpeı jatqany da belgili bolyp otyr.
Terbelisi 7,7 baldy quraıtyn qýatty jer silkinisi taıaýda Belýdjıstan provınsııasy aýmaǵynda oryn alǵan bolatyn. Zilzala oshaǵy 20 shaqyrym tereńdikte bolǵan kórinedi. Jer silkinisi saldarynan Belýdjıstannyń alty okrýgi zardap shekken. Qazirgi ýaqytta qutqarýshylarǵa áskerıler men shekarashylar kómekke jiberildi. Aýyr jaraqat alǵandar tikushaqpen kórshi aýdandardyń aýrýhanalaryna jóneltilýde.
KENIIаDA BRITANDYQ AZAMAT USTALDY
Kenııanyń astanasy Naırobıde Ulybrıtanııa azamaty qamaýǵa alynǵan. Ol týraly brıtandyq syrtqy ister mınıstrligine silteme jasaı otyryp, VVS News agenttigi habarlady.
Qazirgi ýaqytta atalǵan vedomstvo oǵan konsýldyq kómek kórsetý úshin qolǵa túsken adammen baılanys ornatýǵa talpynýda. Djomo Kennıaty esimdi 35 jasar er adam Kenııadan keteıin dep jatqan jerinde halyqaralyq áýejaıda ustalǵan kórinedi. Brıtandyqtyń ustalýy jergilikti saýda ortalyǵynda bolǵan terrorlyq aktini tergeýge baılanysty ekeni de belgili bolyp otyr. Sodyrlar uıymdastyrǵan terrorlyq akt saldarynan 60-tan astam adam qaza tapqan bolatyn.
BERLÝSKONIDIŃ ÚILENÝI MÚMKIN BE?
Italııanyń burynǵy premer-mınıstriniń qazirgi naqsúıeri Francheska Paskale saıasatkerge turmysqa shyǵýǵa daıyn jáne onyń túpkilikti sheshimin kútýde.
Francheska Paskale Berlýskonıden jarty ǵasyrǵa jýyq kishi. Qyzdyń jasy 28-de bolsa, «qartaımaıtyn» Sılvıo taıaýdaǵy jeksenbide 77-ge tolady. Sonymen birge, qyz eki aradaǵy qarym-qatynasqa óziniń bastamashy bolǵanyn, 2006 jyly saıasatkerge telefon nómirlerin almasý jóninde usynys aıtqanyn da jasyryp otyrǵan joq. Jas qyzdyń óz ómirinde eleýli oryn alatynyn Berlýskonıdiń ózi de jasyrmaıdy. Paskale sońǵy jyldardaǵy eń bir aýyr kezeńderde meniń qasymda bolyp, meni shynaıy áıel mahabbatynyń bolatynyna sendirdi, dep atap ótken ol.
KOROLGE OPERASIIа JASALDY
Ispanııa koroli Hýan Karlos I úshinshi ret sol jaq myqynynyń býynyn aýystyrýǵa májbúr bolǵan. Sońǵy úsh jylda ol osymen segizinshi operasııany bastan ótke rip otyr.
Býyndy aýystyrý operasııasyn AQSh-tan arnaıy ushyp kelgen hırýrg Mıgel Kabanela jasaǵan kórinedi. «Baqytymyzǵa qaraı, onyń mártebesi úshin de, biz úshin de, el úshin de bári sátti aıaqtaldy», dep málimdegen dáriger baspasóz máslıhatynda. Sonymen birge, M.Kabanela ýaqytsha salynǵan býyndy eki aıdan keıin turaqty ornyǵatyn býynǵa aýystyrýǵa týra keletinin, al koroldiń ekinshi operasııadan keıin alty aptadan soń ǵana júre alatynyn atap kórsetken.
SÁBILERDIŃ AJALYNA NE SEBEP?
Shyǵys Qytaıdaǵy Szıansı provınsııasynyń ákimshilik ortalyǵy Nanchan qalasynyń polısııasy aǵaıyndy eki qyzdyń kir jýatyn mashınanyń barabanynda qaza bolýyna baılanysty isti tergeýde.
Ata-analarynyń aıtýlaryna qaraǵanda, eki jáne úsh jastaǵy aǵaıyndy qyzdar ótken senbi kúni oınap júrip kir jýatyn mashınanyń barabanyna kirip, sonyń ishinde tunshyǵyp ólgen. Degenmen osy týraly habardar bolǵan ınternet paıdalanýshylar barabanynda aýyr júk bar avtomat-mashınanyń jumys istep ketýine kúmán keltirýde. Ázirge qaıǵyly oqıǵanyń naqty sebebi belgisiz kúıinde qalyp otyr.
MEKSIKADA JAǴDAI ÝShYǴYP TUR
Meksıkadaǵy jaǵdaı kún ótken saıyn nasharlaı túsýde. Eldiń 14 shtatynda tótenshe jaǵdaı engizilip otyr. Sý tasqynynan qurban bolǵandar sany 130-ǵa jetip, 30 adam habar-osharsyz ketkender tiziminde tur.
Tasqynnyń syrtynda «Ingrıd» jáne «Manýel» sıklondary laı kóshkinin týǵyzýda. Alpys myńǵa tarta adam eldiń qaýipti aýdandarynan kóshirildi. Qutqarýshylar áli kúnge deıin qaza bolǵandardyń denelerin arshyp alýda. Tiri qalǵandardy tabýǵa degen úmit barǵan saıyn azaıa túsýde. Zardap shekken qalalar men poselkelerdi qalpyna keltirý jumystary jarty jylǵa sozylady degen boljamdar aıtylýda. Elde tabıǵat apatyna qosymsha tyrysqaq aýrýy da boı kórsete bastaǵan.
PILDERDI ÝLAP О́LTIRDI
Zımbabve ulttyq tabıǵı parkiniń basshylyǵy eldegi eń iri sanalatyn Hvange rezervatynda 81 pildiń sıandy kalıge ýlanyp ólgeni týraly habarlaǵan.
Eldiń tabıǵat qorǵaý agenttiginiń qyzmetkeri Djerrı Gotora ólim qushqan pilder jaıylatyn jerde altyn óndiretin ónerkásipte paıdalanylatyn sıanıdtiń tabylǵanyn málimdegen. Buǵan deıin belgili bolǵan málimetterge sáıkes, ýly zat pilder sý ishetin sý kózderinde de bolǵan kórinedi. Bul iske brakonerlerdiń qatysy bolýy múmkin degen kúdik te joq emes. Qyrkúıektiń basynda 40 pildi sıandy kalımen ýlap óltirdi degen kúdikpen 40 adam tutqynǵa alynǵan bolatyn.
Internet materıaldary negizinde ázirlendi.
