Qoǵam • 14 Mamyr, 2020

Aqyret araly

992 retkórsetildi

Burynǵylardan qalǵan mynadaı bir támsil bar: Ertede  bir memlekette patshasy dál on jyl bılik qurǵannan keıin ony taqtan alyp, arnaıy kemege otyrǵyzyp, elsiz bir aralǵa tastap qoıady eken.

Osylaı patshalyqtyń tizginin jańadan  qolyna alǵan kelesi bir jańa patsha yzaǵa býlyǵyp, óziniń ýázirine bylaı depti:

-Men de kúnderdiń kúninde aldyńǵy patshalar sekildi qıyn taǵdyrdy bastan keshpekpin be?! Men de aldyńǵylar sekildi elsiz araldyń shól-dalasynda aptap-ystyqqa zaryǵyp, qınalyp ómir súrýge úkim etilmekpin be?!..

Sonda ýáziri bylaı dep keńes beripti:

-Qurmetti patsham, siz elsiz aralda ómir súrýdi qalamasańyz, patshalyq kezeńińizdi tek rahatta ótkizbeı, ómirińiz ben mal-dúnıeńizdi aqyry ózińiz baratyn elsiz araldy gúldendirýge  sarp etpeısiz be?!

Bul sózdi estigen patsha tereń oılanyp kórse… Ýázirdiń aıtqany haq eken.

Joǵardaǵy támsildi tápsirlep kórelik:

Patsha – támsildiń bas keıipkeri. Iаǵnı, árbir adam ózi úshin ózi patsha. Al, ımany men aqyly – onyń ýáziri. Bul ekeýi egizder sekildi bóle-jarýǵa kelmeıtin birtutas uǵym. Aqyl joq jerde ımandy izdeýdiń jóni joq, ıman joq jerde aqyldy da izdeýdiń qajeti shamaly. Demek, ıman men aqylymyz biz úshin – dana keńesshimiz.

Al, keme – tabyt. Adamdardyń kórer kúni, taǵdyry sol – bir kún bolmasa bir kún óziniń taǵynan túsedi, ıaǵnı ǵumyry bitedi. Sol bir kemege, ıaǵnı, tabytqa salynady. Elsiz aral – bizdiń baratyn ornymyz (kórimiz). Qysqasha aıtqanda, aqıret araly. Eger biz bul ómirde dúnıelik istermen ǵana shektelsek, álgi baratyn aralymyz rasynda elsiz-sýsyz qalyp, qum-daladan ǵana túzilgen bolady. Eger, haq jolymen júrip, jaqsy amaldardy kóp istesek,  álgi elsiz araldy kórkeıtken bolamyz. Barar ornymyz shól-dala, tozaq azaptary emes, jánnát baqtary bolady. «Aqıretiń qaıyrly bolsyn!» dep duǵa etkende ásili osy nárse nazarda tursa kerek. Barshamyzdyń aqıretimiz qaıyrly bolsyn! Demek, aqıret aralyn Fırdoýs baqtarymen qaıyrly qylýymyz  - ózimizdiń tiridegi amaldarymyzga baılanysty eken. Hazireti Álı (r.a) aıtqanyndaı: «Jánnátqa yntyqqan adam –  jaqsylyq etýge asyǵady, jáhánnámnan qoryqqan adam – nápsisin jaman is-áreketten qaıtarady. О́limdi haq degen adam – dúnıeniń qyzyqtaryna boı aldyrmaıdy».

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar