Aımaqtar • 14 Mamyr, 2020

Bıyl Qostanaı oblysynda 3 183 túlek UBT tapsyrady

34 retkórsetildi

Biryńǵaı ulttyq testileý bıyl 20 maýsymda bastalyp, 5 shildege deıin sozylady. Bıylǵy UBT-ǵa oblystaǵy mektep bitiretin túlekterdiń 71%-y qatyspaq.

Oqýshylardyń bilim sapasyn testileý barysynda sanıtarlyq qaýipsizdik talaptary qatań saqtalatyn bolady. Bul týraly Ulttyq testileý ortalyǵy oblystyq fılıalynyń dırektory Nurgeldi Hasenov «Anticor.LIVE»-tyń tikeleı efıri arqyly aıtty.

«Bıyl UBT-ǵa qatysýshylardyń araqashyqtyǵy kem degende 2 metr bolýy tıis.  Dárishanalarǵa jiberiletin adamdar sany 40-tan aspaýy shart. Sondyqtan bul jyly test tapsyratyn toptardyń sany da kóp bolady. Bizdegi málimet boıynsha aldaǵy jazda 3183 oqýshy test tapsyrady. Eger test tapsyrýǵa ótinish berip úlgermegender bolsa, 55-84-55 telefony arqyly áli de bolsa ótinish berýge bolatynyn, ıa bolmaıtynyn bilip alýǵa bolady. Biz ár adamnyń máselesin jeke qarap, oń sheshim qabyldaýǵa tyrysamyz», - dedi  fılıal basshysy.

Test materıaldaryn úlestirý barysynda oqýshyǵa jaýap paraqshasynyń kóshirmesi qosa beriletin bolady. Test tapsyrý barysynda daýly suraqtar kezdesip qalsa, oqýshy ony osy paraqshaǵa belgilep otyrý tıis. 

Testileý aıaqtalǵan soń durys jaýaptardyń kody aqparattyq taqtaǵa ilinedi. Túlek osy taqta arqyly óz jaýabynyń durys-burystyǵyn salystyra alady.

Bıyl test tapsyrýshylarǵa qoıylatyn talap ta qataıa túsken. Máselen, fılıal dırektorynyń aıtýynsha, dárishanaǵa jasyryp uıaly telefon alyp ótpek bolyp, ustalyp qalǵan túlek sol jerde test tapsyrýshylar tiziminen  shyǵarylady. Mundaı oqýshy bir jyl boıy UBT-ǵa qatysý quqynan aıyrylady.   

Bıylǵy emtıhandar sybaılas jemqorlyqqa qarsy kúres qyzmetiniń jiti qadaǵalaýymen ótedi.

-Test tapsyrý barysyn belgili qoǵam belsendileri men arnaıy monıtorıngtik toptyń músheleri baqylaıtyn bolady. Bul barlyq  oqýshyǵa joǵarǵy oqý oryndaryna túsý úshin teń múmkindik berý maqsatynda jasalyp otyr. Buryn testileý kezinde oqýshylarǵa teń jaǵdaı jasalmaıdy deıtin sóz shyǵyp qalatyn. Al búginde barshaǵa ortaq teń múmkindik bar. Sondyqtan túlekter tek óz bilimine ǵana senýi kerek dedi, Sybaılas jemqorlyqqa qarsy is-qımyl departamenti basshysynyń orynbasary Danııar Smaǵulov.

 

 

Qostanaı oblysy

Sońǵy jańalyqtar

Táýelsizdik – eń qymbat qundylyq

Saıasat • Búgin, 07:37

Keleshegin kóre biletin el

Pikir • Búgin, 07:30

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Uqsas jańalyqtar