Úılerdiń aýlalaryn sý basyp, sýdyń deńgeıi 20-50 sm qurady. Kóp mólsherde kelgen sýdan aryq júıesi isten shyǵyp, sonyń saldarynan turǵyn úılerdiń aýlalaryn sý basty. Jalpy 60 turǵyn úı aýlalaryn sý basty jáne 3 sharýashylyq qurylysy qırady. Avarııalyq-qutqarý jumystaryn júrgizý úshin Shymkent qalasy TJ departamentiniń 57 qyzmetkeri, 14 tehnıka men MP-100 markaly 14 motopompa jumyldyryldy.
TJD kúshteri sýdy shyǵarý jumystaryn júrgizdi, jergilikti atqarýshy organdarynyń kommýnaldyq qyzmetteri aryqtardyń mehanıkalyq tazalaýy júrgizildi. Evakýasııalyq pýnktterge jetkizý úshin shuǵyl túrde qoǵamdyq kólikter uıymdastyryldy. TJ departamentiniń mobıldi toby daýyszoraıtqysh arqyly Eltaı eldi mekeniniń turǵyndaryn evakýasııa týraly qulaqtandyrýy júrgizildi.
Sý basqan 60 úıden adamdardy kóshirý uıymdastyryldy. Maıatas turǵyn alabynda ornalasqan №119 mekteptiń negizinde qurylǵan №41 evakýasııalyq jınalý pýnktine 150 adam kóshirildi, 150 adam ózderinniń týystarynyń úıine ornalasty. Zardap shekkender men qaıtys bolǵandar joq. Qosymsha 4 evakýasııalyq-jınalý pýnkti daıyndyqqa keltirildi.
14 mamyr saǵat 01.14-te Eńbekshi aýdany, Otkorm.sovhoz Gaýhar tas kóshesinde qatty jaýyn-shashyn saldarynan Badam ózeniniń tasýy oryn aldy. Jaǵalaýdyń buzylýy saldarynan 2 turǵyn úıdiń qulaýyna qaýip tóndi (úılerge deıin araqashyqtyq 7-8 metr). TJD kúshterimen qaýip tónip turǵan 2 úıden 17 turǵyn Badam-1 eldi mekenindegi №84 orta mektebiniń negizinde qurylǵan evakýasııalyq jınalý pýnktine kóshirildi. Zardap shekkender men qaıtys bolǵandar joq. TJ saldaryn joıýǵa TJ departamentiniń 16 qyzmetkeri jáne 5 tehnıkasy jumyldyryldy.
Sonymen qatar 112 kezekshilik qyzmetine azamattardan úılerdiń aýlalaryn sý basqany týraly 28 qońyraý tústi, barlyǵyna shuǵyl túrde qyzmetkerler shyǵyp, sýdy shyǵarý jumystaryn júrgizdi. Jalpy 973 tekshe metr sý shyǵaryldy. Jeke quramnan 97 adam, 23 tehnıka jumyldyryldy.
Qazirgi tańda qaýipsizdikti saqtaý maqsatynda quzyrly mekemeler tarapynan qajetti kómek kórsetilýde. Jaǵdaı turaqty baqylaýda.
