Oblystyq polısııa departamentiniń qyzmetkerleri jyl basynan beri sondaı azamattardyń qatysýymen jasalǵan onnan asa qylmysty áshkerelepti. Teris dinı aǵym jetegindegiler bótenniń múlkin urlap, zańsyz balyq aýlaýǵa barypty. О́z jemtikterin bopsalap, uryp-soǵyp, denege jaraqat salypty. Sondaı-aq, qasaqana aýyr dene jaraqatyn salýdan tartynbapty.
–Máselen, qańtar aıynda belgisiz tulǵa Alǵabas ótkelinde ornalasqan úıge zańsyz kirip, 1995 jyly týǵan azamatshanyń «Samsýng G1», «Samsýng G5», «Samsýng G6» markaly úsh uıaly telefonyn urlap ketken. Qylmysqa qatysty 33 jastaǵy azamat ustaldy. Ol destrýktıvti dinı aǵym ustanýshy eken. Al, naýryz aıynda polısııaǵa О́zbekstan Respýblıkasynyń azamattary belgisiz tulǵalardyń ózderin bopsalap, «Opel Zafira» markaly avtokóligin tartyp alǵany, 2 000 000 teńgeden astam shyǵyn keltirgeni týraly aryzdandy. Polısııa qyzmetkerleri Ulttyq qaýipsizdik komıteti departamentiniń qyzmetkerlerimen birlesip júrgizgen jedel shara barysynda qylmysqa kúdikti ekeýdi ustady. Tekserý kezinde olardyń da destrýktıvti dinı aǵymdy ustanatyny anyqtaldy, -dep habarlady oblystyq polısııa departamentiniń baspasóz qyzmeti.
