Aımaqtar • 14 Mamyr, 2020

Túrkistan: Shardaralyq turǵynnyń aýlasynan 62 keli kóknár tabyldy

2234 retkórsetildi

Shardara aýdandyq polısııa bólimshesine jergilikti turǵyn aýlasynda esirtki ósiredi degen habarlama kelip túsken. Aqparatty tekserý maqsatynda KPB-niń qyzmetkerleri jedel áreket etip, anyqtaý jumystaryn júrgizedi. Nátıjesinde jergilikti polıseıler 80 jastaǵy qarııanyń aýlasynda jaıqala ósip turǵan kóknárdi kóredi.

Tórt sottyq jerge egilgen, kútip-baptap ósirilgen esirtkige uqsas ósimdiktiń zertteý qorytyndysyna sáıkes «uıyqtatatyn kóknár» ekeni anyqtalǵan. Aıǵaqty zat retinde tárkilep,  jekeleı sanaǵanda 5,5 myńǵa jýyq túp, ıaǵnı  50 qap, al salmaǵy  62 kelige jýyq bolǵan. Odan bólek aýladaǵy tapshan ústinen mata qaltashaǵa salynǵan aıǵaqty zattar da alynǵan. Salmaǵy 45 gramm bul zat «keptirilgen kóknár sabany» bolyp shyqty.

Bul derek sotqa deıingi tergep-tekserýdiń biryńǵaı tizilimine engizilip, Qylmystyq kodekstiń 296-babymen (esirtki, psıhotroptyq zattarmen, sol tektestermen, prekýsolarmen ótkizý maqsatynsyz zańsyz jumys isteý) tirkelip, qylmystyq is qozǵaldy.

Qarııa óziniń qylmysyn tolyq moıyndap, ósimdikterdi jeke basyna paıdalaný úshin ekkendigin aıtqan. Bas sharasy qolhatpen bosatyldy. Kúdikti 80 jastaǵy qarııanyń osy tektes qylmys jasap úsh jylǵa sotty bolǵany tergeý barysynda anyqtalyp otyr.

1

 

Túrkistan oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar