14 Mamyr, 2020

Ýnıversıtet: Kenoryndaryn ıgerýge qatysty onlaın konferensııa ótti

19 retkórsetildi

Sh. Esenov atyndaǵy KMTIÝde Geologtar kúni men ǵylym qyzmetkerleri kúnine arnalǵan «Qıyn óndiriletin kómirsýtekti ken oryndardy ıgerýdiń geologııalyq jáne tehnologııalyq aspektileri» atty Halyqaralyq ǵylymı-tájirıbelik onlaın konferensııa ótkizilgeni týraly aıtyp berdi.

Konferensııanyń maqsaty: geologııa, gıdrogeologııa jáne munaı men gaz óndirý salasyndaǵy jańa ıgerimdermen tanysý, ǵylymı aqparatty alý, óńdeý jáne praktıkalyq paıdalaný boıynsha tájirıbe almasý, artyqshylyqtary men kemshilikterin anyqtaý, ekonomıkalyq jáne ekologııalyq tıimdilikti negizdeý. Sondaı-aq, konferensııada sý resýrstaryn paıdalaný salasyndaǵy ózekti máseleler qozǵaldy.

Qıyn óndiriletin qorlardy ıgerý - Qazaqstannyń barlyq munaı-gaz salasynyń qazirgi mindeti, sondyqtan Sh. Esenov atyndaǵy KMTIÝ únemi halyqaralyq deńgeıde konferensııalar ótkizip turady, ol ár túrli jobalar aıasynda bizdiń jáne bizdiń seriktesterimizdiń jınaqtalǵan tájirıbesimen almasýǵa múmkindikter beredi. Biz qıyn óndiriletin qorlardy ıgerý úshin jańa tehnologııalardy qoldanýda alǵa jyljydyq, alaıda munaı jáne munaı servıstik kompanııalardyń, ǵylymı ınstıtýttardyń tájirıbesi men ǵylymı qarqynyn biriktirý ǵana qıyn óndiriletin munaıdy óndirýdi sapaly jańa deńgeıge jetkize alady, dep atap ótti «Munaıgaz ınjınırıng» kafedrasynyń dosenti R.Baıamırova.

Konferensııaǵa Qazaqstan Respýblıkasynyń jáne jaqyn shetelderdiń munaı-gaz salasyndaǵy ǵalymdary men jetekshi mamandary qatysty. Konferensııanyń moderatory t.ǵ.d. «Munaı-gaz Injınırıng» kafedrasynyń professory S. Zakenov boldy. Sonymen qatar Yessenov University rektory B. Ahmetov kirispe sóz sóıledi. Ol pandemııaǵa qaramastan, aqparattyq tehnologııalardyń arqasynda munaı-gaz salasyndaǵy ǵylymı ózekti máselelerdi birlesip júrgizip, talqylap otyrýdy atap ótti. Alaıda, búgingi tańda munaı-gaz ónerkásibi qıyndyqtarǵa tap bolyp otyr, osyǵan baılanysty Mańǵystaý óńiriniń problemalaryn, sondaı-aq agrarlyq keshendi damytý úshin sý resýrstarymen qamtamasyz etýdi talqylaý qajet, óıtkeni óńirdiń osy saladaǵy qıyndyqtary ózekti másele.

Konferensııada «Batysqazjerqoınaýy» О́ńiraralyq Departamenti Mańǵystaý óńirlik ınspeksııa basshysy A.Kelbet «Mańǵystaý turǵyndaryn sýmen qamtamasyz etý joldary» taqyrybynda baıandamasynda óńirdiń turǵyndary sýdy qandaı kózderden tutynatyny, tutynylatyn sýdyń sapasy týraly málimetter keltirdi. Sondaı-aq, óńir turǵyndary sý tazartý súzgilerin belsendi paıdalanatynyn atap ótti. Alaıda, zııandy komponenttermen birge sýdy tazartý sýdan adam aǵzasyna qajetti jáne basqa da mıneraldy zattardy shyǵarady. Osy máseleniń sheshimin tabý boıynsha usynystar de qozǵaldy.

«Khazar Global Logistics Company» JShS tehnıkalyq dırektory T. Mýrýnov «Sýdy zalalsyzdandyrý jáne tazartýdyń ınnovasııalyq tehnologııalary» taqyrybynda baıandama jasady. Innovasııalyq tehnologııalardy tartpaı bul máseleni sheshý múmkin emes. Reseı Federasııasymen birlesip Innovasııalyq negizde aǵyndy sýlardy zalalsyzdandyrýdy usyndy. Osy tehnologııany qoldaný aǵyndy sýlardy utymdy paıdalanýǵa jáne óńirdiń agroónerkásiptik kesheniniń problemalaryn sheshýge múmkindik beredi dep maǵlumattar berdi.

«Mańǵystaý-Geologııa» ǵylymı-óndiristik ortalyǵy  JShS dırektory A. Gavashelıshvılı «Mańǵyshlaq jer asty sýlary» taqyryby boıynsha  baıandamasynda aımaqtaǵy jer asty sýlarynyń bekitilgen qoryn keltirdi. Jalpy sany 67 birlikti quraıdy. Sý kólemi men quramy týraly aıtty. Qoldanýǵa jaramdy ken oryndary men ýchaskelerdiń sany 45 birlikti quraıdy, onyń 29-y ǵana paıdalanady, al qalǵan 16 ken orny paıdalanylmaıdy. Sondaı - aq, emdeý-saýyqtyrýǵa qoldanylatyn ken oryndar da atap ótildi. Biraq óńirde tek bir ǵana «Shaǵala» shıpajaıy jumys isteıdi, qalǵandary suranysqa ıe emes. Bul máselelerdi sheshý úshin jer asty sý ýchaskelerinde qorlardy barlaýdy jańǵyrtý jáne qorlaryn qaıta baǵalaý jumystaryn júrgizý usyndy. Árıne, bul jumystarǵa ýaqyt pen qarajattyq qoldaý qajet.

Azerbaıdjan Ulttyq ǵylym akademııasynyń doktoranty I. Pırıverdıev «Burǵylaý kezinde biriktirilgen geologııalyq, geofızıkalyq jáne tehnologııalyq zertteýlerdiń nátıjeleri boıynsha taý jynystarynyń qasıetterin modeldeý» taqyryby boıynsha baıandady. Ol uńǵymalardy burǵylaý kezinde máseleni sheshý úshin aqparat mańyzdy ról atqaratynyn atap ótti. Osyǵan baılanysty keshendi geologııalyq-geofızıkalyq jáne tehnologııalyq zertteýler nátıjeleri boıynsha taý jynystarynyń qasıetterin modeldeý usynylady. Igerý obektisi bolyp tabylatyn keýekti taý jynysy egjeı-tegjeıli sıpattalý kerek.

Sondaı-aq, «Kóldeneń búıirlik uńǵymalarǵa suıyqtyq aǵynynyń esebin sheshýdegi geologııalyq-matematıkalyq modeldeý (Kalamkas kenorny mysalynda)», «Shyǵys Ústirttiń munaı-gazdylyǵynyń keleshegi» taqyryptary boıynsha «KMG Injınırıng KazNIPImýnaıgaz» JShS Geologııa jáne geofızıka boıynsha basqarýshy dırektory B.Nýgmanov, Mırzo Ýlýgbek atyndaǵy О́zbekstan ulttyq ýnıversıteti, «Geologııa» kafedrasynyń meńgerýshisi, geologııa-mıneralogııa ǵylymdarynyń kandıdaty, dosent A. Kýshakov baıandama jasady.

-Konferensııa barysynda barsha qatysýshylarmen suraqtar qoıylyp, qyzý talqylaýlar jasaldy. Joǵaryda atalǵan taqyryp boıynsha konferensııa bizdiń ýnıversıtette jyl saıyn ótkiziledi jáne munaı-gaz isi salasyndaǵy eń mańyzdy máselelerdi kóteretin dástúrge aınaldy, deıdi «Munaıgaz ınjınırıng» kafedrasynyń dosenti  R.Baıamırova.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar