Tehnologııa • 14 Mamyr, 2020

Twitter men Apple qalaı jumys istemekshi?

340 retkórsetildi

Týıtterlikter úıde qala beredi. Twitter kompanııasynyń bas dırektory Djek Dorsı qaramaǵyndaǵy qyzmetkerlerge bıylǵy qyrkúıekke deıin úıden jumys isteı berýlerin tapsyrdy. Tipti, osy rejım ary qaraı jalǵasýy múmkin ekenin de aıtty.

Koronavırýs tarala bastaǵanda bul kompanııa alǵashqylardyń biri bolyp jumyskerlerin qashyqtan jumys isteýge jibergen edi. Endi keri úrdis birtindep júzege aspaqshy. Ol úshin qazirgi qańyrap qalǵan ofısterdi birtindep jandandyrý josparda bar. Biraq bıyl buqaralyq sıpattaǵy is-sharalar men issaparlar bolmaıdy.

Djek Dorsıdyń paıymdaýynsha6 úıden otyryp jumys isteý kompanııa úshin anaǵurlym tıimdi bolǵan kórinedi. Qashyqtan jumys istep jatqan barlyq maman óndiristik qajettilikke kerek barlyq jaǵdaımen qamtamasyz etilgen. Sondyqtan da týıtterlikter ofıs jaldaǵannan kóri, oǵan ketetin qarjyny basqa baǵytqa buryp kórsek degen nıette. Kompanııa qazirgi jaldap otyrǵan ofısteriniń jartysyn bosatýy da múmkin.

Ápildikter kerisinshe jaqyn arada ofısterine oralmaqshy bolyp otyr. Apple kompanııasynyń birqatar qyzmetkerleri pandemııaǵa qaramastan toptasyp jumys isteıtin rejımge oralmaqshy.

Álemniń ár elindegi jaǵdaıǵa baılanysty qyzmetkerler birtindep grafıkpen ofısterge qaıtarylmaqshy. О́ıtkeni keıbir mamandar qashyqtan jumys isteýdiń olar úshin tıimdi emes ekendigin aıtqan. Bul da komandalyq jumystyń bir qajettiligi bolar?

Kompanııa basshysy Tım Kýktyń málimdeýinshe tańerteń jumysqa kelgen barlyq adamdardyń dene qyzýy tekseriletin bolady jáne maska taǵý men jaqyndaspaı jumys isteý mindetteledi eken.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar