Qazaqstan • 14 Mamyr, 2020

Qazaqstanda shamadan tys júk artyp jolǵa shyqqan 830-ǵa jýyq kólik anyqtaldy

25 retkórsetildi

2020 jyldyń I toqsanynyń qorytyndysy boıynsha kóliktik baqylaý organdary 28 032 júk avtokólik quralyn (AKQ) tekserip, zań talaptaryn saqtamaǵan 4 231 kólikti anyqtady. Onyń ishinde 219 sheteldik avtokólik quraly jol júrýdiń ruqsat berý júıesin buzǵan. Bul týraly IIDM baspasóz qyzmeti habarlady.

Osy kezeńde 827 kóliktiń shamadan tys júkpen júrýine tosqaýyl qoıylyp, 774 mln. teńgeden astam alym jáne 198 mln. teńge aıyppul óndirildi.  46 sharýashylyq sýbektisi tekserilip, 34 zań buzýshylyq anyqtaldy jáne 30 zań buzýshylyqty joıý týraly uıǵarym berildi.

Sondaı-aq, júrgizýshilerdiń eńbek jáne demalys rejımin buzǵany úshin 2382 ákimshilik materıal resimdelip, 30 mln. teńgege jýyq somada aıyppul óndirildi. Bul jalpy tasymaldaý qaýipsizdigine oń áser etip otyr.

Jalpy I toqsanda iri kólemdegi jáne aýyr salmaqty avtokólik quraly úshin 6444 arnaıy ruqsat, 51557 shetelge ruqsat, sheteldik tasymaldaýshylar úshin 665 tranzıttik ruqsat berildi. 12 tehnıkalyq baıqaý operatory ashylyp, 4-i tizilimnen shyǵaryldy. Qazirgi ýaqytta tehnıkalyq baıqaý ortalyqtarynyń sany - 673.

Memlekettik qyzmet kórsetý barysynda baılanysty azaıtý maqsatynda 1, 6, 7-synypty qaýipti júkti tasymaldaýǵa iri kólemdegi jáne aýyr salmaqty avtokólik quralynyń jol júrýine arnaıy ruqsat, júkterdiń halyqaralyq avtomobıl tasymaldaryn iske asyrýǵa ruqsat berý týraly kýálik jáne eldegi tótenshe jaǵdaı kezeńinde avtokólik quralyna ruqsat kartochkasyn berý sııaqty ótinimderdi qaraý qorytyndylary boıynsha 2020 jylǵy 15 sáýirden bastap qaǵaz túrinde ruqsat berilmeıtin boldy.

Ruqsat berý barysyn baqylaýdy qamtamasyz etý úshin kóliktik baqylaý beketteri aqparattyq taldaý júıesi men kóliktik derekter bazasy memlekettik qyzmet kórsetý júıesine qosyldy. Qazir oǵan memlekettik kirister organdaryn qosý jumystary júrgizilýde.

Budan basqa, bir beketke shamamen 1900 shaqyrym avtojol keletindikten, joldardy tolyqtaı baqylaýmen qamtamasyz etý qıyn. Osyǵan baılanysty stasıonarlyq úlgidegi tarazylardy qoldanyp, avtojoldardyń jekelegen ýchaskelerinde avtomattandyrylǵan ólsheý stansııasyn (ABJ) qoıý jumystary júrgizilip jatyr.  

Sonymen qatar, bekitilgen jol kartasyna sáıkes, 2020 jyldyń shilde aıyna deıin Talapker kenti janyndaǵy "Almaty-Chelıabınsk" avtojoly ýchaskesinde avtomattandyrylǵan ólsheý quralyn pılottyq rejımde iske qosý josparlanǵan. Joba "QazAvtoJol" UK" AQ-men birlesip iske asyrylady.

Kóliktik baqylaý salasyn avtomattandyrý avtojoldardy baqylaý kólemin ulǵaıtýǵa múmkindik beredi. Bul joldardyń saqtalýyna jáne sybaılas jemqorlyq táýekelderin boldyrmaýǵa oń áser etedi.

Sońǵy jańalyqtar

Mektebimen túletken qoshtasady túlekter

Aımaqtar • Búgin, 18:40

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Uqsas jańalyqtar