Atalǵan jumys «Samruq-Qazyna» Ulttyq ál-aýqat qory» AQ demeýshilik qarajaty esebinen «Meniń Elim» baǵdarlamasy boıynsha júrgizilýde. Al, turǵyndar ıgiligi úshin qolǵan alynǵan bul jobany «Samruk-Kazyna Trust» korporatıvtik qory iske asyrady. Atalǵan qor jasandy tósenishi bar jáne qorshalǵan kishi fýtbol alańshasyn, tartan tósenishi bar kóshe trenajerlary jáne tartan tósenishi bar balalar oıyn alańshasyn salyp, turǵyndar ıgiligine tartý etetin bolady.
Jalpy, Taraz qalasyndaǵy «Qarataý» móltekaýdanynda barlyǵy 11800 adam turatyn bolsa, onyń ishinde aýlalaryna alańsha salynatyn úı turǵyndarynyń sany 1500 adamdy quraıdy. Sondaı-aq, atalǵan móltekaýdanda 1592 oqýshyǵa jalpy bilim beretin №38 mektep jáne 412 stýdent qamtylǵan «Taraz-Ǵasyr» kolledji ornalasqan. Taraz qalasy ákimdiginiń málimetinshe, qurylystyń nysanaly maqsaty – qala turǵyndary, jastar men jasóspirimder arasynda salaýatty ómir saltyn nasıhattaý, dene shynyqtyrý jáne sportpen júıeli túrde shuǵyldanýǵa tartý bolyp tabylady. Sondaı-aq, qurylys aıaqtalǵannan keıin atalǵan keshen aýlalardyń turǵyndarymen qatar, jalpy móltekaýdannyń turǵyndary úshin de tegin negizde qoljetimdi bolady.
Jambyl oblysy
