Maqtaaral aýdanyna is saparmen kelgen Nur Otan partııasy Tóraǵasynyń birinshi orynbasary Baýyrjan Baıbek kúni keshe sol jıyrmanyń alǵashqy úıiniń irgetasyn qalaý rásimine qatysty. Aıta keteıik, jańa shaǵyn aýdanda aldaǵy eki aıda jańa 505 úı boı kóteretin bolady. Sondaı-aq, munda 1500 oryndyq mektep pen 280 oryndyq balabaqshanyń qurylysy júrgizilmek. Budan bólek, ınfraqurylymdyq qajettilikter ıaǵnı, jol, sý, gaz qubyrlary tartylyp, sáýleti kelisken shaǵyn aýdanǵa aınalady. Baýyrjan Baıbek Atakent kentindegi evakýasııalyq ortalyqtarǵa jaıǵastyrylǵan Dostyq, Jeńis, Fırdoýsı, Jańaturmys jáne О́rgebas aýyldarynyń turǵyndarymen kezdesip, olardyń suraqtarǵa jan-jaqty jaýap berdi.
Al Atakent kentinde ornalasqan oblystyq shtabtyń ortalyqtandyrylǵan qoımasynda aýdan halqyna kómek qolyn sozyp júrgen eriktilermen kezdesip, pikir almasty. Olardyń Maqtaaraldaǵy apattyń saldaryn joıý baǵytyndaǵy bastamalaryna rızashylyǵyn bildirdi. Búginde ortalyqtandyrylǵan qoımada jınalǵan 600 tonnadan astam gýmanıtarlyq kómektiń 150 tonnasy turǵyndarǵa úlestirilip berilgen.
Túrkistan oblysy
