Kezdesý barysynda qos mınıstrliktiń ókilderinen quralǵan top Sardoba sý qoımasynyń keleshegine qatysty pikir-usynystaryn ortaǵa saldy. Sonymen birge otyrystyń kún tártibinde О́zbekstannyń Piskem jáne Chatkal ózenderiniń boıynan GES salý máselesi de qaraldy. Eki eldiń mınıstrleri óz sózderinde barlyq máseleni ortaq túsinistikpen, birlese sheshýge múddeli ekendikterin bildirdi. Jıynǵa qatysqan Túrkistan oblysy Maqtaaral, Saryaǵash, Keles aýdandarynyń ákimderi kanaldy tazalaý máselesin kóterdi. Jıynnyń negizgi bóligi jýrnalısterdiń qatysýynsyz, jabyq esik jaǵdaıynda jalǵasty.
Aqparat quraldaryna suhbat bergen Ekologııa, geologııa jáne sý sharýashylyǵy vıse-mınıstri Erlan Nysanbaevtyń aıtýynsha, qazirgi tańda Qazaqstan Sardoba sý qoımasynyń erteńine qatysty naqty bir sheshimge kelmegen. «Biz búgin ózbekterdiń osyǵan qatysty josparlaryn tyńdaımyz. Osydan keıin sheshim qabyldaıtyn bolamyz», dedi vıse-mınıstr.
Sondaı-aq vıse-mınıstr qazirgi tańda Shardara sý qoımasyna, Dostyq kanalyna eshqandaı qaýip tónip turmaǵanyn málim etti.
Túrkistan oblysy
