Aımaqtar • 14 Mamyr, 2020

Aqmolada úkimettik emes uıymdar volonterlyq jumysqa den qoıýda

8 retkórsetildi

Bıyl úkimettik emes uıymdardyń kóbi jumys formatyn ózgertti. Máselen, qoǵamdyq jáne qaıyrymdylyq qorlar volonterlyqqa bet burdy. Osyǵan oraı óńirdegi úkimettik emes uıymdarǵa qosylǵan volonterlardyń sany kóbeıdi. 

Búginde óńirde 718 úkimettik emes uıym tirkelgen. Olar 34 áleýmettik jobany júzege asyrýda. Bıyl atalǵan uıymdar óz jumysyn volonterlyq negizge súıene otyryp uıymdastyrýda. Oǵan koronavırýs pandemııasy men Túrkistan oblysy Maqtaaral aýdanyndaǵy sý tasqyny sııaqty tótenshe jaǵdaılar sebep bolyp otyr.

–Qaladaǵy volonterlyq qozǵalystar tótenshe jaǵdaı kezinde kóptegen otbasyna úlken qoldaý tanytty. Osy baǵytta jumysty jalǵastyryp jatyrmyz. Qıyn jaǵdaıǵa tap bolǵan otbasylarǵa árdaıym kómek kórsetiledi. Júregi jomart jandar da bul iske beı-jaı qaramaýda,–deıdi qalalyq jastar resýrstyq ortalyǵynyń mamany Aslan Jumabekov.

Mysaly, Shoqan Ýálıhanov atyndaǵy Kókshetaý memlekettik ýnıversıtetiniń kópsalaly kolledji janyndaǵy «Amanat» volonterlyq ortalyǵy qıyn jaǵdaıǵa tap bolǵan 30-dan astam adamǵa kómek kórsetken. Azyq-túlik, kıim-keshek pen jeke gıgıenalyq zattaryn eki kún ishinde jınap, jetkizgen. Al «Rahat-Dobro» ortalyǵynyń belsendileri oblys ortalyǵynyń 25 otbasyn qamqorlyqtaryna alǵan. Mundaı jumystar Aqmola oblysynyń aýdandarynda da jalǵasýda. 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar