Aımaqtar • 14 Mamyr, 2020

Tólebı aýdany: Qasqasý aýylyndaǵy kópir qalpyna keltirilip jatyr (vıdeo)

129 retkórsetildi

13 mamyr kúni qatty jaýǵan nóserli jaýyn-shashyn saldarynan Tólebı aýdany, Qasqasý aýyldyq okrýgindegi Qasqasý ózeni sýynyń deńgeıi kóterilip, arnasynan tasydy. Saldarynan 4 kópirdi sý alyp, 8 iri qara jáne ýaq mal sýǵa batqan. Ekpindi aýylynda 4 úıdi jáne 15 úı aýlasyn sý basty. Bul týraly Tólebı aýdany ákimdiginiń baspasóz qyzmeti habarlady.

Barlyǵy 15 tekshe metr sý soryldy. Departamentte shuǵyl túrde shtab quryldy. Saǵat 22.15 -te Dostyq aýylyn sý ala bastaǵandyqtan, turǵyndar evakýasııalana bastady. Leńgir qalasyndaǵy T.Tájibaev atyndaǵy mektep pen Kıeli tas aýylyndaǵy Sultan Rabat mektebinde evakýasııalyq ortalyqtar quryldy.

Oqıǵa ornyna «Egemen Qazaqstan» gazetiniń tilshisi Ǵalymjan Elshibaı arnaıy baryp, mán-jaıǵa qanyq boldy. 

«Qulaǵan kópirdi tolyqqandy jóndeý bolmasa da, turǵyndardyń qarym-qatynas jasaýyna qolaıly bolý úshin alǵashqy kómek kórsetý shuǵyl túrde bastalyp ketti», - dedi Ǵalymjan Elshibaı.

Qasqasý aýyl okrýgi ákiminiń aıtýynsha, qazirgi tańda apat zardabyn joıý jumystary júrip jatyr.

«Qazirgi jaǵdaıda Qasqasý aýylynda 108 otbasy, 761 halyq turady. Qatty jaýyn áserinen taýdan aqqan aǵyn sý Qasqasý men Syrǵanaq ózenderiniń arnasynan tasýyna sebep boldy» , - dedi Qasqasý aýyl okrýginiń ákimi Talǵat Qamytbek.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar